Jeremijaš 46:12 - Le Devleskero Lav Andre Romaňi Čhib Slovensko 2021

¹² O narodi šunena pal tiri ladž; tiro roviben džala pal caľi phuv. Bo jekh slugaďis perela pre aver slugaďis a sodujdžene perena jekhetane.“

Jeremijaš 46:12 Referans Kwoze

Jeremijaš 46:6

Ko denašel sig, na denašela; o hrďinas pes na zachraňinela. Pro severos, paš o paňi Eufrat, lenge poddžana o pindre a perena.

Jeremijaš 14:2

„Baro pharipen hin le Juda, o manuša andre leskre fori našľon pal o jakha. Pašľon pre phuv andre žaľa a le Jeruzalem šunďol te rovel bara dukhaha.

Izajaš 19:2

„Kerava upre le Egipťanen pre peste; marela pes o phral le phraleha, o susedas le susedoha, o foros le foroha, o kraľišagos le kraľišagoha.

Sofonijaš 1:10

Andre oda džives,“ phenel o RAJ, „šunena andro Jeruzalem, hoj avel e vika pašal e Ribakri brana the o baro roviben pal e neveder sera le foroskri a andral o verchi šunďola e zoraľi rana.

Jeremijaš 51:54

„Šunďol o žaľakro roviben andral o Babilon; šunďol e vika la bara pohromatar andral e babiloňiko phuv!

Jeremijaš 49:21

O Edom perela ajsa bara vikaha, hoj e phuv razisaľola, a o manuša avke vičinena pre pomoca, hoj oda šunena dži paš o Lolo moros.

Jeremijaš 48:34

E vika andral o Chešbon šunďol dži paš o Elale, dži paš o Jahac šunďol te viskinel, le Coarostar dži paš o Choronajim, dži paš o Eglat-Šelišija; se mek the le Nimrimoskre paňa šučile avri.

Izajaš 10:4

Na ačhela lenge ňič aver, ča te banďol tele le bertenošenca, abo te merel olenca, ko ena murdarde. Ale the andre kada savoro le Devleskri choľi mek na visaľol het a leskro vast hino furt nacirdlo.

1. Samueloskro 5:12

Ola, ko na mule, sas dukhade le vredenca. O manuša andral oda foros avke vičinenas pre pomoca, hoj oda šunďolas dži andro ňebos.

Izajaš 24:11

Pro uľici roven vašoda, hoj nane mol; savoro radišagos pes čerinďa pre žaľa, o radišagos našľiľa pal e phuv.

Jeremijaš 2:36

Sar avke lokes čerines tiro drom? The le Egiptoha aveha avri pre ladž, avke sar avľal avri pre ladž la Asirijaha.

Jeremijaš 47:2

Kada phenel o RAJ: „Dikh, o paňa aven upre pal o severos; aven sar o paňa, so prečuľan avri. Zalen e phuv the savoro, so pre late hin; o fori the le manušen, so andre bešen. O manuša igen roven; sako, ko ode bešel, hikinel žaľatar,

Jeremijaš 50:46

O Babilon perela ajsa bara vikaha, hoj e phuv razisaľola, a o manuša vičinena pharipnastar avke zorales, hoj oda šunďola dži andro aver narodi.

Nahum 2:5

O verdana džan igen dzivones pal o uľici a traden pal o pľaci andro foros. Dičhon avri sar o jagale fakľi a predžan sar o bleski.