Jeremijaš 35:13 - Le Devleskero Lav Andre Romaňi Čhib Slovensko 2021

¹³ „Kada phenel o Nekzoraleder RAJ, o Del le Izraeloskro: Dža a phen le manušenge andre Judsko the olenge, ko bešen andro Jeruzalem: ‚Soske kalestar na sikľon a na chuden imar te šunel mire lava?‘ phenel o RAJ.

Jeremijaš 35:13 Referans Kwoze

Jeremijaš 32:33

Visarde pes ke ma le dumeha, a na le mujeha. A kajte len furt sikavavas, on na šunenas a na denas peske mandar te phenel.

Jeremijaš 5:3

RAJEJA, či na roden tire jakha o čačipen? Demaďal len, ale na šunenas ňisavi dukh, ňičinehas len, ale on na kamenas te prilel tiro dovakeriben. Sas zacata sar bara a na kamenas pes te visarel andral o bini.

Židenge 12:25

Den tumenge pozoris pre oda, hoj te šunen a te na odčhiven oles, ko vakerel! On, save na kamenas te šunel oles, ko lenge pre phuv phenelas le Devleskri voľa, na denašle, vašoda aňi amen našťi denašaha, te pes visaraha Olestar, ko vakerel andral o ňebos.

Jeremijaš 9:12

O RAJ odphenďa: „Vašoda, bo omukle miro zakonos, savo lenge diňom. Na šunde man aňi na kamle te kerel oda, so lenge phenďom.

Izajaš 42:23

Ko tumendar prithovela o kan a dela mištes pozoris pre oda, so šunďa, andre oda časos, so avela?

Prislovja 19:20

Šun e rada a prile, sar tut sikaven, a pro koňec ačheha goďaver.

Prislovja 8:10

Te prilel miro dovakeriben hin feder sar te prilel o rup a te achaľol hin buter sar o žužo somnakaj.

Jeremijaš 35:12

Akor avľa o lav le RAJESKRO ko Jeremijaš:

Jeremijaš 25:2

Avke o prorokos Jeremijaš phenďa savore manušenge andre Judsko the andro Jeruzalem: