Jeremijaš 31:5 - Le Devleskero Lav Andre Romaňi Čhib Slovensko 2021

⁵ Pale tuke sadzineha o viňici pro verchi andre Samarija. O farmara peske sadzinena o viňici a chana peskro uľipen.

Jeremijaš 31:5 Referans Kwoze

Amos 9:14

Anava pale mire zaile manušen le Izrael; o zňičimen fori peske pale ačhavena a bešena ode; sadzinena peske o viňici a pijena peskri mol, kerena peske o zahradi a chana lendar o ovocje.

5. Mojžišoskro 28:30

Aveha mangado la džuvľaha, ale aver dženo pašľola laha; ačhaveha o kher, ale na bešeha andre; sadzineha e viňica, ale na chaha latar o uľipen.

Micheaš 4:4

Sako peske bešela tel peskro viňičis the tel peskro figovňikos a ňiko les imar na daravela avri bo o Nekzoraleder RAJ prevakerďa.

Zacharijaš 3:10

‚Andre oda džives vičinena jekh avres te bešel peske jekhetane tel o viňičis the tel o figovňikos,‘ phenel o Nekzoraleder RAJ.“

Obadijaš 1:19

O manuša andral o Negev zalena o verchi le Ezavoskre, o manuša andral e Šefela zalena e filišťiňiko phuv; o Izraeliti zalena the o phuva Efrajim the Samarija a o Benjamin zalela o Gilead.

Ezechiel 36:8

Ale tumenge, verchale andro Izrael, barona o konara pro stromi a anena o ovocje mire manušenge, le Izraelitenge, bo imar maj avena khere.

1. Samueloskro 21:5

O rašaj leske phenďa: „Aver maro man nane, ča sveto. Šaj tuke les dav, ale ča akor, te tire murša na pašľile le džuvľenca.“

5. Mojžišoskro 20:6

Hin kade ajso dženo, savo sadzinďa viňica a mek na kidňa o uľipen? Mi džal pale khere, hoj te na merel andre kada mariben a hoj olestar te na radisaľol aver dženo.

Žalmi 107:37

Sadzinde peske pro maľi, sadzinde peske o viňici a skidle upre pherdo uľipen.

Jeremijaš 32:15

Bo kada phenel o Nekzoraleder RAJ, o Del le Izraeloskro: Andre kadi phuv pes mek cinavena o khera, o maľi the o viňici.‘

Ezechiel 28:26

Dživena peske ode andro smirom, ačhavena peske o khera a sadzinena o viňici. Dživena peske andro smirom, sar anava o trestos pre savore lengre susedi, so len dikhenas tele. Akor sprindžarena, hoj me som o RAJ, lengro Del.“

Micheaš 1:6

O RAJ phenel: „Kerava la Samarijatar kopa šmeci pre maľa; than, kaj pes sadzinel e viňica. O bara pal lakre muri čhivava tele andre dolina, hoj te dičhol lakre zakladi.