Jeremijaš 24:5 - Le Devleskero Lav Andre Romaňi Čhib Slovensko 2021

⁵ „Kada phenel o RAJ, o Del le Izraeloskro: ‚Sar ola lačhe figi, ajse mange hine o zaile manuša andral e Judsko, saven bičhaďom kale thanestar andre phuv le Babilončanengri.

Jeremijaš 24:5 Referans Kwoze

Zacharijaš 13:9

Odi jekh tretina prelava prekal e jag a obžužarava len sar o rup a skušinava len avri sar o somnakaj. Vičinena pre miro nav a me len šunava avri. Phenava: ‚Kala hin mire manuša,‘ a on phenena: ‚O RAJ hino amaro Del.‘ “

Nahum 1:7

O RAJ hino lačho, chraňinel peskre manušen andre oda džives, sar lenge hin phares. Pridžanel pes ke ola, ko pes ke leste denašen te garuvel.

Zjaveňje 3:19

Me sakones, kas kamav, karhinav a zorales bararav avri. Vašoda av horľivo a visar tut le binendar!

2. Timoteoske 2:19

Ale o zoralo zaklados le Devleskro ačhel a hino zapečaťimen kale lavenca: „O Raj džanel olen, ko hine leskre“; a: „Mi oddžal le nalačhipnastar sako, ko viznavinel o nav le Rajeskro!“

Galaťanenge 4:9

No akana, sar prindžarďan le Devles – abo sigeder phenďomas, sar o Del prindžarďa tumen – sar oda, hoj tumen pale visaren paš ola slaba the bezmocna zora, so ľidžan kada svetos? Soske lenge kamen pale te služinel sar otroka?

1. Korinťanenge 8:3

Ale ko le Devles kamel, oles o Del prindžarel.

Rimanenge 8:28

Amen džanas, hoj savoro, so avel andro dživipen, hin pro lačho olenge, ko kamen le Devles a kas peske vičinďa andre peskro planos.

O Evaňjelium le Janoskro 10:27

Mire bakrore šunen miro hangos a me len prindžarav a on aven pal mande.

Matuš 25:12

Ale ov odphenďa: ‚Čačipen tumenge phenav, na prindžarav tumen!‘

Žalmi 119:71

Sas oda mištes, hoj somas potrestimen, hoj man te sikavav tire prikazi.

Žalmi 119:67

Medik na somas potrestimen, bludzinavas; ale akana šunav tiro lav.

5. Mojžišoskro 8:16

Pre pušťa tumen čaľarelas la mannaha, savi na prindžarenas tumare dada. Ov tumen pokorinelas a skušinelas, hoj tumenge paľis te presikavel o lačhipen.

Jeremijaš 24:4

Akor ke ma o RAJ prevakerďa kada:

Jeremijaš 29:4

Kada phenel o Nekzoraleder RAJ, o Del le Izraeloskro, savorenge, kas diňom te zalel andral o Jeruzalem andro Babilon:

Jeremijaš 29:20

Vašoda šunen o lav le RAJESKRO, savore, so sanas zaile, saven bičhaďom het andral o Jeruzalem andro Babilon.

Ezechiel 11:17

Vašoda phen: ‚Kada phenel o RAJ, o Adonaj: Paľis tumen skidava upre andral o narodi a sthovava tumen pale jekhetane andral ola phuva, andre save sanas roztradle, a dava tumenge pale e phuv le Izraeloskri.‘

3. Mojžišoskro 26:44

Ale aňi akor, sar ena andre phuv le ňeprijaťeľengri, len na odčhivava a na džungľona mange avke, hoj len calkom te zňičinav a te prephagav lenca miri zmluva. Me som o RAJ, lengro Del.

Jeremijaš 29:11

Bo me džanav, save plani man hin tumenca,“ phenel o RAJ, „mire plani tumenca hine lačhe a nane nalačhe. Kamav tumen te del e lačhi buducnosť the e naďej.

Ezechiel 11:20

Avke dživena pal mire prikazi a doľikerena mire zakoni. On ena mire manuša a me avava lengro Del.