Jeremijaš 18:20 - Le Devleskero Lav Andre Romaňi Čhib Slovensko 2021

²⁰ Či šaj vaš o lačho te počinel nalačhipnaha? No on mange kopaľinde avri e bari chev! Leper tuke, hoj ačhavas angle tute mangavas tut vaš lenge, hoj lendar te visares tiri choľi.

Jeremijaš 18:20 Referans Kwoze

Žalmi 57:6

Av barardo, Devla, upral o ňebos, tiri slava mi džal pal caľi phuv!

Žalmi 35:7

Bo na sas vaš soske, ale nacirdle mange e sita; vaš ňisoske mange kopaľinde e chev.

Žalmi 106:23

Vašoda o Del phenďa, hoj len zňičinela, ale o Mojžiš, leskro avrikidlo murš, pes angle leste ačhaďa vaš lenge, hoj te visarel het leskri choľi, hoj len te na zňičinel.

Žalmi 35:12

Vaš o lačho mange den pale o nalačho a hin man žaľa, bo som omuklo.

Jeremijaš 18:22

Andral lengre khera mi šunďol o baro roviben, sar pre lende jekhvareste bičhaveha le zbujňiken, bo kopaľinde avri e chev, hoj man te chuden, a thode tel mire pindre e pasca.

Kazaťeľis 10:8

Ko kopaľinel e chev, šaj perel andre; a oles, ko čhivel tele o muros, šaj danderel o sap.

Prislovja 26:27

Te kopaľineha e chev avreske, tu korkoro andre pereha; te ispideha o baro bar pre avreste, oda bar visaľola pre tu.

Žalmi 119:95

O nalačhe pre ma užaren, hoj man te zňičinen; ale me gondoľinav pal tire zakoni.

O Evaňjelium le Janoskro 15:25

hoj pes te ačhel o lav, so hin pisimen andre lengro Zakonos: ‚Našťi man avri ačhenas a na sas vaš soske.‘

O Evaňjelium le Janoskro 10:32

Ale o Ježiš lenge odphenďa: „But lačhe skutki tumenge sikaďom mire Dadestar. Vaš savo skutkos man kamen te murdarel le barenca?“

Jeremijaš 14:20

RAJEJA, amen peske pridžanas amari vina a the o nalačhipena amare dadengre, bo kerďam o bini anglal tu.

Jeremijaš 11:14

Vašoda ma mang tut vaš kala manuša aňi ma an vaš lenge e prosba vaj modľitba. Bo sar ke ma on vičinena andral peskro pharipen, me len na šunava avri.“

Jeremijaš 7:16

O RAJ phenel: „Jeremijaš, ma modľin tut vaš kala manuša! Ma mang tut aňi ma rov vaš lenge! Ma vičin ke ma, bo me tut na šunava avri.

Prislovja 17:13

O nalačhipen na džala avri andral o kher oleske, ko vaš o lačho visarel pale o nalačho.

Žalmi 38:20

Mire ňeprijaťeľa hine saste the zorale; but hine ola, ko man vaš ňisoske našťi avri ačhen.

Žalmi 7:15

Dikh, o nalačho manuš ačhel khabno le nalačhipnastar, hordinel o pharipen a ločhol o klamišagos.

O Job 6:27

He, tumen čhiďanas losoha mek the vaš e širota a kšeftinďanas the tumare prijaťeľenca!

1. Samueloskro 19:4

O Jonatan zaačhelas le David angle peskro dad Saul a phenelas leske: „Te na kerel o kraľis binos pre peskro služobňikos pro David. Se ov tut na kerďa ňič nalačho, ale oda, so kerelas, sas prekal tu igen lačho.

Jeremijaš 5:26

The maškar mire manuša hin o nalačhe, so hine garude a užaren skurčimen, hoj te chuden le čiriklen; hine sar ola, ko rozthoven o pasci, hoj te chuden le manušen.

Jeremijaš 15:1

O RAJ mange phenďa: „Kajte angle mande ačhiľahas o Mojžiš the o Samuel, miro jilo pes na visarela ke kala manuša. Bičhav len mandar het, mi džan het pal mire jakha.

Jeremijaš 18:19

Avke me phenďom: „Šun man, RAJEJA, a šun the olen, ko pre ma džan!

Jeremijaš 27:18

Te hine proroka a hin len o lav le RAJESKRO, akor mi mangen bares le Nekzoraledere RAJES, hoj te na ľidžan andro Babilon o nadobi, save mek ačhile andro Chramos le RAJESKRO, andro kher ko judsko kraľis the andro Jeruzalem.

Roviben le Jeremijašiskro 3:59

Dikhľal oda nalačhipen, so mange sas kerdo, RAJEJA; rozsudzin miro čačipen.

Jeremijaš 17:18

Mi ladžan pes ola, ko pre ma džan, ale me man te na ladžav. Mi predaran on, ale me man te na darav. An pre lende o džives le pharipnaskro a mar len duvar ajci.“