Jeremijaš 14:8 - Le Devleskero Lav Andre Romaňi Čhib Slovensko 2021

⁸ Tu, so sal e Naďej le Izraeloskri the leskro Zachrancas andral o pharipen, soske sal sar o cudzincos andre amari phuv, sar o putňikos, so ačhel te presovel ča jekh rat?

Jeremijaš 14:8 Referans Kwoze

Jeremijaš 17:13

RAJEJA, tu sal e Naďej le Izraeloskri. Savore, ko tut omuken, pes ladžana. Ola, ko tutar džan het, ena pisimen andro prachos la phuvakro, bo omukle le RAJES, o prameňis le džide paňeskro.

Jeremijaš 50:7

Sako, ko len arakhelas, len chalas tele a lengre ňeprijaťeľa vakerenas: ‚Na ela amen ňisavi vina, bo on kerenas o bini anglal o RAJ, savo pes pal lende verňe starinelas a pre savo pes lengre dada savoreha mukenas!‘ “

Izajaš 43:3

Se me som o RAJ, tiro Del, o Sveto le Izraeloskro, tiro Spasiťeľis. Diňom vaš tuke le Egipt, le Kuš the la Seba, hoj tut te cinav avri.

Žalmi 50:15

Vičin pre ma oda džives, sar tuke ela phares, me tut zachraňinava a tu man lašareha.“

Izajaš 45:21

Den te džanel a aven mange te phenel; dovakeren tumen jekhetane: Ko kada vakerelas ešebnovarestar? Ko kada delas te džanel imar čirla? Či na me o RAJ? Aver Del nane, ča me. Nane aver čačo Del, savo šaj zachraňinel.

Izajaš 43:11

Me som o RAJ, a aver Spasiťeľis nane, ča me.

1. Timoteoske 1:1

Me o Pavol, o apoštolos le Ježišoskro Kristoskro, savo somas bičhado le Devlestar amare Spasiťeľistar the le Ježišostar Kristostar, savo hino amari naďej,

Skutki 28:20

Vašoda tumen akana vičinďom, hoj tumen te dikhav a te vakerav tumenca. Bo me som adadžives phandlo andre kale lancoha vaš e naďej le Izraeloskri.“

Izajaš 45:15

Čačes, tu sal o Del, savo pes garuvel, o Del le Izraeloskro, o Spasiťeľis.

Žalmi 138:7

Kajte uľomas andro pharipen, tu na domukeha, hoj te merav; nacirdeha tiro vast pre mire choľamen ňeprijaťeľa, zachraňineha man tire čače vasteha.

Žalmi 91:15

Sar ke ma vičinela, odphenava leske. Avava leha andro pharipen, zachraňinava les a dava les pačiv.

Žalmi 46:1

Oleske, ko ľidžal o bašaviben. E giľi prekal o učo hangos.

Žalmi 9:9

Ov sudzinela o svetos čačipnaha; le naroden sudzinela pal o pravos.

Žalmi 10:1

RAJEJA, soske sal avke dur? Soske tut garuves akor, sar mange hin phares?

Sudcengro 19:17

Sar pes obdikhľa, dikhľa ode pro pľacos ole muršes. O phuro murš lestar phučľa: „Kaj džas? Khatar aves?“

Žalmi 71:5

Adonaj, tu sal miri naďej, RAJEJA, tuke pačav mire terňipnastar.

Izajaš 63:8

Bo ov phenďa: „On hine mire manuša, o čhave, save mange ena verna.“ Avke ačhiľa lengro Spasiťeľis.

Jeremijaš 30:7

Vigos, bo oda džives ela igen strašno! Ajso džives, savo mek šoha na sas. Andre oda časos predžala o Jakob bare pharipnaha, ale ela olestar zachraňimen.‘ “

Zacharijaš 9:12

O RAJ phenel: „Zaile manušale, saven hin e naďej, aven pale andro ohradzimen foros! Adadžives tumenge phenav, hoj tumen požehňinava duvar ajci keci cerpinďan.

Žalmi 46:2

O Del hin amari ochrana the zor; e pomoca, pre savi pes šaj mukas andro pharipen.

Izajaš 33:2

RAJEJA, av jileskro ke amende, užaras pre tute. Av amari zor sako tosara a andro pharipen av amari zachrana.

Jeremijaš 16:19

Akor me phenďom: „O RAJ hin miri zor the miro hrados, oda than, kaj man garuvav andre oda džives, sar mange hin phares! Ke tute avena o narodi, avena pal o agora le phuvakre a phenena: ‚Amare dada na zďeďinde ňič, ča le falošne devlen; le chocsave modlen, so lenge na sas lačhe pre ňisoste.‘