Jeremijaš 10:20 - Le Devleskero Lav Andre Romaňi Čhib Slovensko 2021

²⁰ Miro stanos hino zňičimen; savore lani hine čhingerde. O čhave man omukle a imar nane. Nane ko mange pale te ačhavel o stanos aňi te nacirdel o lepedi.

Jeremijaš 10:20 Referans Kwoze

Jeremijaš 4:20

E skaza anel e skaza, caľi phuv hiňi čhiďi tele. Jekhvareste hine mire stani zňičimen, lengre zavesi hine čhingerde pro kotora.

Jeremijaš 31:15

Kada phenel o RAJ: „Andre Rama šunďol o baro roviben the e bari žaľa. Oda e Rachel rovel pal peskre čhave, a na del pes te poťešinel, bo o čhave imar nane.“

Izajaš 54:2

„Rozbuchľar tuke o than pro stanos, rozcirde o plachti a ma scirde len; nacirde o lani a zamar zorales o koľiki pro stanos!

Roviben le Jeremijašiskro 1:5

Ola, ko les trapinen, ačhile leskre raja; leskre ňeprijaťeľenge džal mištes, bo o RAJ les dukhaďa vaš leskre but bini. Leskre čhave džanas zaile anglal o ňeprijaťeľa.

Izajaš 51:16

Me thoďom mire lava andre tiro muj a garuďom tut andro ciňos mire vasteskro – me, ko thovav o ňebos pre peskro than a zathovav o zakladi la phuvakre a phenav le Sionoske: ‚Tumen san mire manuša.‘ “

Prislovja 12:7

O nalačhe peren a imar našľon, no e famelija le lačhe muršeskri ačhela furt.

O Job 7:8

Imar man na dikhela e jakh oleskri, ko pre ma dikhel. Rodeha man, Devla, ale imar na avava.

Izajaš 51:18

Savore čhavendar, saven anďa pro svetos, nane ňiko, ko les ľigenďahas. Savore čhavendar, saven bararďa avri, nane ňiko, ko les iľahas vastestar.

Micheaš 2:9

Traden avri mire manušengre džuvľijen andral lengre šukar khera a lengre čhavendar len het miro požehnaňje pro furt.

Jeremijaš 30:17

Ale me tut sasťarava avri, sasťarava tuke tire rani, phenel o RAJ, bo vičinen tut avritradľi, e čhaj le Sionoskri, sava ňiko na rodel.“