Jakob 4:9 - Le Devleskero Lav Andre Romaňi Čhib Slovensko 2021

⁹ Jojčinen, roven a hikinen! Tumaro asaben pes mi visarel pro roviben a o radišagos pre žaľa.

Jakob 4:9 Referans Kwoze

Matuš 5:4

Bachtale hine ola, ko roven, bo o Del lenge dela pale o radišagos.

Prislovja 14:13

Varekana o asaben garuvel e dukh, ale sar o radišagos preačhel, ačhel o pharipen.

Лукастар 6:25

Vigos tumenge, so akana san čale, bo avena bokhale! Vigos tumenge, so akana asan, bo rovena a hikinena žaľatar!

Žalmi 119:67

Medik na somas potrestimen, bludzinavas; ale akana šunav tiro lav.

Ezechiel 16:63

Sar tuke učharava andre savore bini a obžužarava tut savorestar, so kerďal, akor tuke avela savoro pre goďi a ladžatar imar na phundraveha o muj, phenel o RAJ, o Adonaj.‘ “

Ezechiel 7:16

Ola, ko pes zachraňinena, denašena pro verchi. Sar o holubici andral o dolini; sako lendar rovela vaš peskre bini.

Лукастар 16:25

O Abraham phenďa: ‚Čhavo miro, ma bister pre oda, hoj tu chudňal savore lačhe veci, sar dživehas, a o Lazar chudňa o nalačhe. Avke akana ov radisaľol a tu cerpines.

O Job 30:31

Mira harfatar ačhiľa o nastrojis pre žaľa, mira flautatar o hangos pro roviben.“

Лукастар 6:21

Bachtale san tumen, so san akana bokhale, bo avena čaľarde! Bachtale san tumen, so akana roven, bo paľis asana!

Roviben le Jeremijašiskro 5:15

Amare jile preačhile te radisaľol; amaro kheľiben pes visarďa pro roviben.

Jeremijaš 31:13

E terňi džuvľi khelela a radisaľola, a the o terne murša le phurenca jekhetane. Lengro roviben čerinava pro radišagos, lava lendar o pharipen the o trapišagos a dava len o radišagos.

Jeremijaš 31:9

Avena rovibnaha, modľinena pes a me len anava pale. Ľidžava len paš o paňi, pal o rovno drom, kaj lenge na poddžana o pindre, bo me som le Izraeloskro dad a o Efrajim hino miro ešebno čhavoro.“

Kazaťeľis 2:2

Pal o asaben mange phenďom: „Diliňipen,“ a pal o radišagos: „So man hin olestar?“

Žalmi 119:71

Sas oda mištes, hoj somas potrestimen, hoj man te sikavav tire prikazi.

Žalmi 119:136

Andral mire jakha čuľal pherdo apsa, bo tiro zakonos pes na doľikerel.

Nehemiaš 8:9

Sar o manuša šunenas o lava le zakonoskre, chudle te rovel. Akor lenge o guverneris Nehemiaš, o Ezdraš, savo sas zakoňikos the rašaj, the o Leviti, save sikavenas le manušen, phende: „Kada džives hino pošvecimen le RAJESKE, tumare Devleske. Vašoda ma aven smutna a ma roven!

Matuš 21:41

Phende leske: „Ole nalačhe manušen murdarela bi e milosť a e viňica dela avre vinarenge, save leske anena o uľipen andre peskro časos.“