Filipanenge 2:14 - Le Devleskero Lav Andre Romaňi Čhib Slovensko 2021

¹⁴ Savoro keren bi o dudrišagos the bi o vesekedišagos,

Filipanenge 2:14 Referans Kwoze

1. Peter 4:9

Presikaven e pačiv jekh avreske, bi o dudrišagos.

1. Korinťanenge 10:10

Aňi ma dudrinen, bo varesave džene lendar dudrinenas a murdarďa len o meribnaskro aňjelos.

Filipanenge 2:3

Ma keren ňič prekal tumaro baripen abo vašoda, hoj tumen o manuša te lašaren, ale andre pokora dikhen jekh avren bareder pestar.

Jakob 5:9

Phralale, ma vakeren jekh pre aver, hoj te na aven odsudzimen. Dikh, o sudcas ačhel anglo vudar!

Rimanenge 12:18

Te pes oda del a te oda hin pre tumende, dživen savore manušenca andro smirom.

1. Tesaloničanenge 5:15

Dodikhen pre oda, hoj ňiko te na visarel varekaske pale o nalačho vaš o nalačho, ale furt tumen snažinen te kerel o lačho jekh avreske a the savore manušenge.

Jakob 1:20

Bo o manuš andre choľi na kerel oda spravodľišagos, so kamel o Del.

Galaťanenge 5:26

Te na amenge džal pal oda, hoj amen o manuša te lašaren; te na pes jekh avres provokinas; te na zavidzinas jekh avreske.

Galaťanenge 5:15

Ale te jekh avres chan the danderen, den tumenge pozoris, hoj te na aven jekh avrestar zachale!

Jakob 3:14

Ale te tumen hin andre tumare jile e horko zavisť a kamen tumen ča te hazdel upre, ma lašaren tumen a ma džan pro čačipen.

Rimanenge 14:1

Prilen olen, ko hine slaba andro pačaben, a ma vesekedinen tumen lenca vaš oda, sar on gondoľinen, so hin lačho, abo nalačho.

Žalmi 106:25

dudrinenas andre peskre stani a na šunde le RAJES.

Juda 1:16

Oda hin o dudroša, savenge nane ňič pre dzeka a save dživen pal peskre žadosci. Lengre vušta vakeren bare zorale veci a le manušen lašaren ča vašoda, hoj lendar vareso te dochuden.

1. Peter 3:11

mi visarel pes le nalačhestar a mi kerel o lačhipen a mi rodel o smirom andral calo jilo.

Židenge 12:14

Keren sa prekal oda, hoj tumen te avel o smirom sakoneha a hoj te dživen o sveto dživipen, bijal savo ňiko na dikhela le Devles.

Rimanenge 16:17

Phralale mire, mangav tumen, den pozoris pre ola džene, save rozďelinen o khangera a maren upre le manušen a džan pre oda sikaviben, so tumen priiľan. Obdžan kajse dženen!

Skutki 15:2

Vašoda pes lenca vesekedinenas o Pavol the o Barnabaš. Dovakerde pes, hoj o Pavol the o Barnabaš a the vareko lendar te džan upre andro Jeruzalem pal o apoštola the pal o phuredera, hoj lendar te phučen pal kadi veca.

Skutki 6:1

Andre ola dživesa, sar sas furt buteder učeňika, chudle o Helenisti te dudrinel pro Hebreja, hoj sako džives na kerenas pašal lengre vdovi avke sar pašal aver vdovi.

1. Tesaloničanenge 5:13

Igen tumenge len važinen a kamen len vaš lengri buči. Dživen andro smirom jekh avreha!

4. Mojžišoskro 14:27

„Dži kana cerpinava kale nalačhe manušen, save pre ma furt reptinen? Dos šunďom le Izraelitengro reptišagos pre ma.

2. Korinťanenge 12:20

Bo sar avava, darav man, hoj te na arakhav tumen ajsen, sar na kamav, a hoj aňi tumen man te na arakhen ajses, saves na kamen. Darav man, hoj tumen te na arakhav andre vika, andre žjarlivosť, andre choľi, andro vesekedišagi, andro pľetki, andro nalačhe vakeribena, andro baripen vaj andro nasmirom.

Skutki 15:39

Vaš kada pes vesekedinenas maškar peste avke, hoj pes rozgele. O Barnabaš peha iľa le Marek a gele pre loďa andro Ciprus,

Skutki 15:7

Paloda, sar imar buter vakerenas, ušťiľa o Peter a phenďa lenge: „Phralale! Tumen džanen, hoj imar varekana peske man tumendar o Del kidňa avri, hoj mandar te šunen the aver nipi o evaňjelium a te pačan.

Marek 14:5

Kada olejos pes šaj bikenďa vaš o trin šel (300) rupune minci a šaj pes diňa le čorenge.“ A igen pre late vakerenas.

Matuš 20:11

Sar ile, dudrinenas pro chulaj

Prislovja 13:10

O baripen anel ča o mariben, no ola, ko peske den te phenel, hine goďaver.

Marek 9:14

Sar avle pale paš o učeňika, dikhle pašal lende but manušen a the varesave zakoňiken, sar pes lenca vesekedinen.

Лукастар 5:30

O Farizeja the lengre zakoňika dudrinenas a phenenas leskre učeňikenge: „Soske chan le colňikenca the le binošnenca?“