Filemonoske 1:17 - Le Devleskero Lav Andre Romaňi Čhib Slovensko 2021

¹⁷ Te man ľikeres sar oles, ko tuha jekhetane kerel e buči, prile les avke sar man.

Filemonoske 1:17 Referans Kwoze

2. Korinťanenge 8:23

A te džal pal o Titus: Ov kerel jekhetane manca andre odi služba maškar tumende; te džal pal okla phrala: On hine bičhade le khangerendar a anen e slava le Kristoske.

Matuš 10:40

„Oda, ko tumen prilel, man prilel; a ko man prilel, prilel Oles, ko man bičhaďa.

Filemonoske 1:12

Bičhaďom les pale ke tute a leha džal the miro jilo.

Jakob 2:5

Šunen, mire lačhe phralale! Či peske na kidňa o Del avri le čoren andral kada svetos, hoj te ačhen barvale andro pačaben a te prilen o kraľišagos, pal savo o Del diňa lav olenge, ko les kamen?

Židenge 3:1

Mire sveta phralale, save san vičimen le Devlestar, dikhen pro Ježiš – pro apoštolos the Nekbareder Rašaj amare pačabnaskro.

Efežanenge 3:6

hoj the o aver narodi hine prekal o evaňjelium jekhetane ďeďiča le Židenca a jekhetane kotora andre jekh ťelos a the prekal lende hine o lava, so diňa o Del andro Ježiš Kristus.

Skutki 16:15

Sar pes bolďa oj the savore manuša andral lakro kher, mangelas amen kavke: „Te phenen pal mande, hoj man hin pačaben andro Raj, akor aven andre miro kher a bešen ke mande.“ A prevakerďa amen.

Matuš 25:40

O kraľis lenge odphenela: ‚Čačipen tumenge phenav: Savoro, so kerďan jekheske kale mire nekciknedere phralendar, mange oda kerďan.‘

Matuš 18:5

Sako, ko prilela jekhes kajse čhavorendar andre miro nav, man prilel.“

1. Jan 1:3

Avke oda, so dikhľam the šunďam, vakeras avri the tumenge, hoj tumen te aven amenca jekhetane. A amen sam jekhetane le Dadeha the leskre Čhaha, le Ježišoha Kristoha.

1. Peter 5:1

Le staršen maškar tumende mangav, sar oda, ko hino tiš starši, sar oda, ko dikhľa le Kristoskro cerpišagos a hino the o ďeďičis ola slavakro, savi pes sikavela:

Židenge 3:14

Se amen keras e buči jekhetane le Kristoha, ale ča akor, te doľikeraha zorales dži o koňec oda pačaben, so amen sas akor, sar chudňam te pačal.

Filemonoske 1:10

Mangav tut vaš o Onezimus, savo ačhiľa miro duchovno čhavo, sar somas andre bertena.

1. Timoteoske 6:2

Ola manuša, kas hin pačabnaskre raja, te na sikaven lenge frimeder pačiv vašoda, hoj hine phrala. Mi služinen lenge mek feder, bo ola, kaske služinen, hine pačabnaskre a on len kamen. Kada sikav a prikazin.

Filipanenge 1:7

Me mange oda šaj gondoľinav pal tumende savorende. Se tumen mange san andro jilo, bo savoren tumen hin o kotor manca pre milosť le Devleskri, či akana, sar som andre bertena, abo akor, sar braňinahas a zoraľarahas o evaňjelium.

Filemonoske 1:18

Te tuke kerďa vareso nalačho, abo te tuke kamel vareso, rachin oda mange.