Ester 9:4 - Le Devleskero Lav Andre Romaňi Čhib Slovensko 2021

⁴ Le Mordekaj sas baro lav anglo kraľis a došunde pes pal leste andre dojekh provincija. Ov sas furt zoraleder.

Ester 9:4 Referans Kwoze

1. Kronicko 11:9

O David sas furt zoraleder, bo o RAJ o Nekzoraleder sas leha.

2. Samueloskro 3:1

O mariben maškar o murša le Sauloskre the le Davidoskre ľikerelas igen but. O David furt buter zoraľolas, ale le Sauloskre manuša furt buter slabisaľonas.

Sofonijaš 3:19

Andre oda časos marava savoren, so tut trapinenas. Zachraňinava le bangen; le zailen skidava upre. Čerinava lengri ladž pre slava a calo svetos len dela pačiv.

Prislovja 4:18

O chodňikos le čačipnaskerengro hino sar o tosaraskro kham, so švicinel zoraleder the zoraleder medik nane o džives.

Žalmi 18:43

Sar e balvaj rozphurdel o prachos, avke len me roztradav; phirav pal lende sar pal e čik pre uľica.

Žalmi 1:3

Hino sar o stromos sadzimen paš o paňi, so anel o uľipen andre peskro časos; leskre prajti na šučon avri a savoro, so kerel, avel leske avri.

1. Kronicko 14:17

O hiros pal kada, so kerďa o David, pes rozľigenďa andre savore phuva. O RAJ avke kerďa, hoj pes lestar te daran savore narodi.

1. Samueloskro 2:30

Vašoda kavke phenel o RAJ, o Del le Izraeloskro: ‚Kajte phenďom, hoj mange služineha tu the caľi tiri famelija sar rašaja pro furt‘, no akana tumenge phenav, hoj oda na kerava. Me dava pačiv ča olen, ko man dena pačiv, a olen, ko man na dena pačiv, na dava pačiv aňi me.

Jozua 6:27

O RAJ sas le Jozuaha a o hiros pal leste pes rozľigenďa pal caľi phuv.

Matuš 4:24

A rozľigenďa pes pal leste o hiros pal caľi Sirija. Anenas ke leste savoren, ko sas nasvale a cerpinenas andro dukha, olen, ko sas zaphandle le demonenca abo saven sas epilepsija, a the le kaľiken. A o Ježiš len sasťarelas.

Izajaš 9:7

O Raj phenďa o sudos pro Jakob a avela oda pro Izrael.

Ester 10:2

A savore kraľiskre bare the lačhe skutki a the savoro pal oda, savo baro sas o Mordekaj, saves o kraľis hazdňa upre, hin pisimen andro kroniki le medske the le perzike kraľengre.

2. Mojžišoskro 11:3

O RAJ kerďa, hoj o Izraeliti te arakhen milosť andro jakha le manušengre andro Egipt. Le Mojžiš denas andro Egipt bari pačiv the o uradňika le Faraonoskre the o manuša.

Žalmi 92:13

O čačipnaskre kvitňisaľona sar e palma, barona sar o cedros andro Libanon.