Efežanenge 3:4 - Le Devleskero Lav Andre Romaňi Čhib Slovensko 2021

⁴ Sar oda pregenena, šaj sprindžarena, sar me achaľuvav o garuďipen le Kristoskro.

Efežanenge 3:4 Referans Kwoze

Kološanenge 4:3

Modľinen tumen the vaš amenge, hoj amenge o Del te phundravel o vudar prekal o lav, hoj te vakeras le Kristoskro garuďipen, vaš savo som akana andre bertena.

1. Korinťanenge 4:1

A vašoda tumen pal amende gondoľinen avke sar pal o služobňika le Kristoskre the sar pal o spravci, savende hin le Devleskre garude čačipena.

2. Korinťanenge 11:6

Bo kajte na som avrisikado andro vakeriben, andro prindžaripen som. Se amen tumenge oda savoro sikaďam andre savoreste.

1. Timoteoske 3:16

Čačes viznavinas, baro garuďipen hin andre oda, so pačas: O Kristus sas zjavimen andro ťelos, ospravedlňimen andro Duchos, dikhle les o aňjela, maškar o narodi pal leste kazinenas, pačanďile andre leste andro svetos a sas ilo upre andre slava.

Kološanenge 2:2

Kamav, hoj te aven povzbudzimen andro jile a spojimen andro kamiben, hoj te dochuden savoro barvaľipen andre oda, hoj achaľona savoreske a prindžarena le Devleskro garuďipen, so hin o Kristus.

Efežanenge 6:19

Modľinen tumen the vaš ma, hoj mange te avel dino o lav, sar prevakerava, hoj te vakerav bi e dar o garuďipen le evaňjelioskro.

Efežanenge 5:32

Kada garuďipen hin baro, ale me oda vakerav pal o Kristus the pal e cirkev.

Efežanenge 1:9

amenge diňa o Del te džanel o garuďipen. Oda, so ov kamelas a so leske sas pre dzeka, the oda, so peske imar anglal phenďa, hoj kerela prekal o Kristus.

Лукастар 8:10

A ov lenge phenďa: „Tumenge hin dino te achaľol o garude veci andral o kraľišagos le Devleskro, ale oklenge avri pes vakerel andro podobenstva, hoj te dikhen, ale te na dikhen; hoj te šunen, ale te na achaľon.

1. Timoteoske 3:9

ale ajse, save o čačipen le pačabnaskro ľikeren andro žužo svedomje.

1. Korinťanenge 13:2

Kajte man uľahas o daros te prorokinel a achaľiľomas savore garuďipena, kajte man uľahas savoro prindžaripen, abo ajso pačaben, hoj o verchi prethoďomas, ale na uľahas man o kamiben, ňič na som.

Matuš 13:11

A ov lenge odphenďa: „Tumenge hin dino te achaľol o garude veci andral o kraľišagos le Devleskro, ale lenge nane dino.

Rimanenge 11:25

Se kamav, phralale, hoj te džanen kada garuďipen, hoj te na aven goďaver korkore ke peste. Bo varesave manušenge andral o Izrael hine o jile zakerde andre dži akor, medik na avena savore manuša, save nane Židi ko Del.

Rimanenge 16:25

Slava le Devleske! Ov tumen šaj zoraľarel andro pačaben, avke sar vakerav andre miro evaňjelium pal o Ježiš Kristus; avke sar pes sikaďa o garuďipen, so sas garudo čirlastar.

Efežanenge 3:3

O Del mange sikaďa, hoj te džanav leskro garuďipen, pal savo sikra pisinďom.

Efežanenge 3:9

a savorenge te otkerav oda planos, so sas garudo čirlastar paš o Del, savo kerďa savoro.

Kološanenge 1:26

o garuďipen, so sas but berša the pokoleňja garudo, ale akana sas sikado le Devleskre manušenge.