Daniel 2:35 - Le Devleskero Lav Andre Romaňi Čhib Slovensko 2021

³⁵ Paľis o trast, e čik, o brondzos, o rup the o somnakaj jekhvareste rozpele pro kotora a sas sar o šupi pal e pšeňica ňilaje andre žatva. E balvaj len hazdňa a na ačhiľa pal lende ňič. Ole barestar, so peľa pre socha, ačhiľa baro verchos a pherdžarďa caľi phuv.

Daniel 2:35 Referans Kwoze

Žalmi 37:10

Imar ča sikra a o nalačho na ela; rodeha les, kaj hino, ale na arakheha.

Zjaveňje 20:11

Dikhľom baro parno tronos the Oles, ko upre bešelas. E phuv the o ňebos anglal leste denašľa a na sas prekal lende than.

Hozeaš 13:3

Vašoda našľona sar e tosarutňi chmara, našľona sig sar e rosa, sar o phus, so hino odphurdlo andral o humnos, abo sar o thuv, so džal avri prekal e oblaka.

Izajaš 11:9

Ňiko imar ňikas na dukhavela aňi na kerela ňič nalačho pre calo miro sveto verchos, bo e phuv ela pherarďi le manušenca, so prindžarena le RAJES, avke sar o moros hino pherardo le paňeha.

Zjaveňje 12:8

save na ľikerde avri a imar buter na sas prekal lende andro ňebos than.

Zjaveňje 11:15

Eftato aňjelos zatrubinďa a pro ňebos šunďiľa o zorale hangi, save phenenas: „O kraľišagos le svetoskro ačhiľa o kraľišagos le Rajeskro the leskre Kristoskro a ela kraľis na veki vekov.“

1. Korinťanenge 15:25

Bo ov mušinel te kraľinel, medik leske na thovela tel o pindre savore ňeprijaťeľen.

Micheaš 4:13

Ušťi a rozpučin, čhaje le Sionoskri, bo me tumen dava o trastune rohi the o brondzune kopita a rozpučineha but naroden. Deha lengri korisť le RAJESKE a lengro barvaľipen le Rajeske upral caľi phuv.

Žalmi 103:16

ale soča pre amende phurdel e balvaj, imar na sam a ňiko na džanel, kaj ačhahas.

Žalmi 86:9

Savore narodi, saven stvorinďal, avena te banďol anglal tu, RAJEJA, a dena e slava tire naveske.

Žalmi 66:4

Caľi phuv banďol angle tu; giľaven tuke o chvali, giľaven o chvali tire naveske!“

Žalmi 46:9

Aven a dikhen pro skutki le RAJESKRE, savo kerel strašna pohromi pre phuv;

Žalmi 37:36

Ale paľis predžavas pašal, a dikh, imar ode na sas! Rodavas les, ale na delas pes te arakhel.

Žalmi 22:27

O čore manuša chana čales; ola, ko roden le RAJES, les lašarena. „Mi del o Del, hoj te dživen furt!“

O Job 6:17

ale sar hin šukes, šučon avri, a sar hin baro tačipen, našľon pal peskro than.

Izajaš 8:9

Zdžan tumen, narodale, ale daran tumen; šunen savore phuva, so san dur! Uren pre tumende e vizbroj, ale daran tumen, uren pre tumende e vizbroj, ale daran tumen!

Daniel 2:44

Andro dživesa kale kraľengre o Del le ňeboskro zathovela o kraľišagos, savo ľikerela pro furt, na ela zňičimen a na ela avre manušengro. Rozphagerela savore kala kraľišagi a zňičinela len, ale oda kraľišagos ačhela pro furt.

Zacharijaš 12:3

Andre oda džives kerava, hoj o Jeruzalem te el sar pharo bar prekal savore narodi. Savore, ko les kamena te hazdel, pes dukhavena, no savore narodi pre phuv pes zdžana pre leste.“