5. Mojžišoskro 32:2 - Le Devleskero Lav Andre Romaňi Čhib Slovensko 2021

² Mi perel miro sikaviben sar o brišind, miro vakeriben mi čuľal sar e rosa, sar o cicho brišind pre nevi čar, sar o kapki pro terne rastlini.

5. Mojžišoskro 32:2 Referans Kwoze

Žalmi 72:6

Avke sar del o brišind pre košimen maľa a sar e rosa cinďarel e phuv,

Micheaš 5:7

Ola, ko ačhena te dživel andral o Jakob, ena maškar o narodi, maškar o but manuša, sar o ľevos maškar o dziva džviri, sar o terno ľevos maškar o stados le bakrengro, savo avel a rozpučinel, savo čhingerel avke, hoj ňiko našťi zachraňinel.

Hozeaš 6:4

So te kerel tuha, Efrajimona? So te kerel tuha, Judona? Se tumaro kamiben ke ma hin sar e chmara tosara, abo sar e rosa, so sig našľol.

2. Samueloskro 23:4

hino sar o švetlos tosara, sar avel avri o kham bi o chmari; sar o švetlos pal o brišind, savestar barol e čar.‘

Židenge 6:7

O Del požehňinel odi phuv, so prilel furt o brišind a anel o uľipen, a del chasna olen, ko pre late keren buči.

Zacharijaš 10:1

Mangen le RAJES, hoj te del o brišind jarone! O RAJ kerel o chmari la burkakre a bičhavel baro brišind savorenge, hoj te barol e čar pro maľi.

Hozeaš 14:5

O RAJ phenel: „Anava mire manušen pale ke ma. Kamava len andral calo miro jilo, bo imar na som pre lende choľamen.

Žalmi 65:10

Starines tut pal e phuv a poľivines le paňeha; igen la barvaľares. O jarki le Devleskre hine pherde le paňeha, hoj te den le manušen e pšeňica. Kavke tut starines pal e phuv:

Prislovja 4:2

Oda, so tumen me sikavav, hin lačho, vašoda ma omuken oda.

Amos 7:16

Akana vašoda šun o lav le RAJESKRO. Tu phenes: ‚Ma prorokin pro Izrael a ma kazin pro kher le Izakoskro!‘

Micheaš 5:6

Ola, ko ačhena te dživel andral o Jakob, ena akor maškar aver narodi sar e rosa le RAJESTAR, sar o brišind pre čar, save pes na muken pro manuš a na užaren pro čhave le manušeskre.