5. Mojžišoskro 28:38 - Le Devleskero Lav Andre Romaňi Čhib Slovensko 2021

³⁸ Sadzineha but semenos pre maľa, ale frima uľipen skideha, bo oda chana o maľakre grajora.

5. Mojžišoskro 28:38 Referans Kwoze

Haggeus 1:6

Sadzinenas but, ale skidenas frima. Chanas, ale na dočaľonas. Pijenas mol, ale na sas tumen dos. Urenas pre tumende o gada, ale na roztačonas lendar. Oda, ko peske zarodelas love, thovelas len andre chevaľi žeba.“

Micheaš 6:15

Sadzineha, ale na kideha upre; pučineha o olivi, ale na makheha tut le olejoha; pučineha o muštos, ale e mol na pijeha.

Joel 1:4

Oda, so ačhiľa pal o čarakre kobilki, chale o terne kobilki; oda, so ačhiľa pal o terne kobilki, chale o bare kobilki; oda, so ačhiľa pal o bare kobilki, chale o maľakre grajora.

Amos 4:9

„Tumare zahradi the tumare viňici maravas la plešňaha the le šukibnaha; tumare figovňika the olivi chale tele o kobilki, ale the avke tumen ke ma na visarďan,“ phenel o RAJ.

Joel 2:25

Dava tumenge pale oda, so našaďan andre ola berša, sar tumenge o kobilki chanas o uľipen – o čarakre kobilki the o terne kobilki, o maľakre grajora the o bare kobilki – miri bari armada, savi pre tumende bičhaďom.

Joel 2:3

Anglal lende e jag zlabarel savoro, pal lende zňičinen savoro o plameňa; anglal lende hiňi e phuv sar e zahrada Eden, a pal lende sar e zňičimen pušťa – ňič anglal lende na denašela.

Izajaš 5:10

La viňicatar, sava hin štar hektari, ela ča bišuduj (22) ľitri mol a andral o deš košara semena ela ča jekh košaris pšeňica.“

2. Mojžišoskro 10:4

Te na premukeha mire manušen, mek tajsa anava pre tiri phuv le kobilken.

5. Mojžišoskro 28:42

Pre savore tumare stromi the pro maľi ena o maľakre grajora.

1. Kraľengro 8:37

Te ela andre phuv bokh the e pohroma, abo te o uľipen pro maľi kirňola, abo te ela pro maľi o grajora the o kirme, abo te o ňeprijaťeľa džana pre lengre fori, abo te ela o pharipen vaj o meribnaskro nasvaľiben,

Jeremijaš 12:13

Mire manuša sadzinenas e pšeňica, ale skidenas o trňi; trapinenas pes, ale ňič lenge na bariľa. Ladžana pes vaš peskri žatva, bo o RAJ peskra bara choľaha savoro zňičinďa.“

Malachijaš 2:3

Marava tumare čhaven a čhivava tumenge e khandiňi khoňi andro muja, e khoňi tumare inepengre obetendar, a čhivena tumen avri jekhetane la khoňaha.

Haggeus 1:9

„Tumen užarenas, hoj skidena upre but, ale skidňan frima. Sar oda anďan khere, me oda rozphurdľom. A soske?“ phučel o Nekzoraleder RAJ. „Bo miro Chramos hino zamuklo. Sakoneske tumendar džal ča pal peskro kher.