5. Mojžišoskro 14:26 - Le Devleskero Lav Andre Romaňi Čhib Slovensko 2021

²⁶ Ode tuke vaš ola love cin savoro, so kames: o dobitkos, o bakre, e mol, o aver pijiben the savoro, so ča kames. Paľis ode cha anglal o RAJ, tiro Del, a radisaľuv tira famelijaha.

5. Mojžišoskro 14:26 Referans Kwoze

Matuš 21:12

O Ježiš geľa andro chramos a tradňa avri savoren, save ode cinenas the bikenenas. Previsarďa o skaminda olenge, ko vatinenas o love, the olenge, ko bikenenas le holuben.

Kazaťeľis 9:7

Dža, radišagoha cha tiro maro a pi tiri mol lačhe jileha, bo le Devleske hin imar pre dzeka oda, so keres.

Žalmi 106:14

Pre pušťa lengri žadosca našťi dočaľiľa; ode pokušinenas le Devles.

5. Mojžišoskro 26:11

Radisaľuv tu the caľi tiri famelija savore lačhipnastar, so tut diňa o RAJ, tiro Del. Radisaľuv jekhetane le Levitenca the le cudzincenca, save bešen maškar tumende.

5. Mojžišoskro 12:7

Ode anglo RAJ, tumaro Del, chana tumare famelijenca a radisaľona savorestar, so tumare vastenca kerďan, bo o RAJ, tumaro Del, tumen andre oda požehňinďa.

1. Korinťanenge 10:6

Kada savoro pes ačhiľa prekal amende, vaš oda, hoj te na kamas o nalačhipen, avke sar on.

Marek 11:15

Sar avle andro Jeruzalem, o Ježiš geľa andro chramos a chudňa te tradel avri olen, ko cinenas the bikenenas. Previsarďa o skaminda olenge, ko vatinenas o love, the olenge, ko bikenenas le holuben.

Ezdraš 7:22

šaj den dži 3,4 toni rup, 10 toni zrnos, 2 000 ľitri mol, 2 000 ľitri olivovo olejos a lon keci kampela.

5. Mojžišoskro 12:15

A kana ča kamena, šaj murdarena tumare džviren andre tumare fori a šaj chana ajci mas, keci tumenge požehňinela o RAJ. Savore tumendar šaj olestar chan, o nažužo the o žužo manuš, avke sar te chaľanas jeleňis abo antilopa.

5. Mojžišoskro 12:12

Radisaľon anglo RAJ, tumaro Del, tumare čhavenca, tumare čhajenca, tumare sluhenca the tumare služkenca the le Levitenca, save bešen andre tumare fori, saven nane jekhetane tumenca o ďeďično kotor andre phuv.

5. Mojžišoskro 12:18

Tumen, tumare čhavore, tumare sluhi, tumare služki the o Leviti, save dživen andre tire fori, šaj chan kala obeti ča anglo RAJ, tumaro Del, pre oda than pro lašariben, so peske kidňa avri o RAJ, tumaro Del. Ode radisaľona anglo RAJ, tumaro Del, savorestar, so tumare vastenca kerďan.

5. Mojžišoskro 14:25

Biken oda vaš o love. Paľis le ola love a ľidža pre oda than, so peske kidela avri o RAJ, tumaro Del.