5. Mojžišoskro 11:21 - Le Devleskero Lav Andre Romaňi Čhib Slovensko 2021

²¹ hoj tumen the tumare potomki te dživen but andre odi phuv, pal savi o RAJ diňa lav la veraha, hoj la dela tumare dadenge. Dživena ode ajci but, medik ča o ňebos ela upral e phuv.

5. Mojžišoskro 11:21 Referans Kwoze

Prislovja 4:10

Šun man, čhavo miro, prile mire lava a dživeha but berš.

Prislovja 3:2

Miro sikaviben tuke dothovela o berša ko dživipen a anela tuke o smirom.

Prislovja 9:11

Me, o goďaveripen, tuke dava te dživel buter dživesa a dothovava tuke o berša pro dživipen.

Žalmi 72:5

Mi lašaren tut dži akor, medik švicinel o kham the o čhonoro, pal jekh pokoleňje pre aver.

5. Mojžišoskro 4:40

Doľikeren leskre prikazaňja the zakoni, so tumenge adadžives dav, hoj tumenge the tumare potomkenge savoro te avel avri a hoj but te dživen andre phuv, so tumenge del o RAJ, tumaro Del.“

Zjaveňje 20:6

Bachtalo a sveto hin oda, kas o Del uštaďa andro ešebno ušťiben. Ole dženen o dujto meriben našťi kerel ňič, ale ena o rašaja le Devleske the le Kristoske a kraľinena leha ezeros berša.

Izajaš 65:20

Ode imar na ela čhavoro, so dživel ča vajkeci dživesa, aňi phuro manuš, savo merel sigeder, sar hin leskro časos. Oles, ko merela šeleberšengro, pes lela sar čhavores a oles, ko pes na dodživela šel berš, pes lela sar prekošles.

Prislovja 3:16

O goďaveripen ľikerel andre jekh vast o baro dživipen a andre dujto o barvaľipen the e slava;

5. Mojžišoskro 5:16

De pačiv tira da the tire dades, hoj but te džives andre odi phuv, so tuke dela o RAJ, tiro Del!

5. Mojžišoskro 6:2

Te kamen but te dživel andre odi phuv, tumen, tumare čhave the tumare vnuki mušinen calo dživipen te del pačiv le RAJES a te doľikerel leskre prikazaňja the zakoni.

5. Mojžišoskro 11:9

a hoj te dživen but andre odi phuv, pal savi o RAJ diňa lav, hoj la dela tumare dadenge the lengre potomkenge – odi phuv, kaj čuľal o thud the o medos.

Žalmi 89:30

Leskro potomstvos zathovava pro furt, leskro tronos ľikerela, medik ela o ňebos.