4. Mojžišoskro 33:36 - Le Devleskero Lav Andre Romaňi Čhib Slovensko 2021

³⁶ Andral o Ecjon-Geber odgele a kerde peske taboris paš o Kadeš pre pušťa Sin.

4. Mojžišoskro 33:36 Referans Kwoze

4. Mojžišoskro 20:1

Ešebno čhon avle savore Izraeliti pre pušťa Sin a kerde peske taboris andro Kadeš. E Mirijam ode muľa a sas parunďi.

4. Mojžišoskro 27:14

Bo akor, sar savore Izraeliti reptinenas pre ma paš o paňi Meriba, pre pušťa Sin paš o foros Kadeš, tumen man na diňan pačiv sar Svetes angle savore Izraeliti.“

5. Mojžišoskro 32:51

bo mange na sanas pačivale anglal o Izraeliti paš o paňi Meriba paš o Kadeš pre pušťa Sin. Vašoda, hoj man na diňan pačiv anglal o Izraeliti sar Svetes,

4. Mojžišoskro 13:21

Avke on gele a predikhle e phuv la pušťatar Sin dži ko foros Rechob, paš o verchengro drom Chamat.

4. Mojžišoskro 33:35

Andral e Abrona gele dureder a kerde peske taboris paš o Ecjon-Geber.

4. Mojžišoskro 13:26

Avle ko Mojžiš, Aron the Izraeliti andro Kadeš pre pušťa Paran. Phende lenge, so ode dikhle, a sikade o ovocje, so odarik ande.