4. Mojžišoskro 14:22 - Le Devleskero Lav Andre Romaňi Čhib Slovensko 2021

²² aňi jekh kale manušendar na džala andre odi phuv. Bo dikhle miri slava the o zazraki, so keravas andro Egipt the pre pušťa, a the avke man dešvar pokušinenas a na šunenas.

4. Mojžišoskro 14:22 Referans Kwoze

O Job 19:3

Oda imar hin deštovar, so mange kerďan ladž; dukhaven man a na ladžan tumen!

Žalmi 106:26

Avke hazdľa upre peskro vast a iľa vera, hoj len pre odi pušťa mukela te perel tele,

1. Mojžišoskro 31:7

Ale ov manca thoďa avri! Dešvar mange čerinďa o počiňiben, ale o Del na domukľa, hoj mange vareso nalačho te kerel.

2. Mojžišoskro 32:1

Sar o nipi dikhle, hoj o Mojžiš hino but časos pro verchos a na avel tele, avle ko Aron a phende leske: „Av, ker amenge devlen, save džana angle amende. Bo na džanas, so pes ačhiľa le Mojžišoha, ole muršeha, savo amen iľa avri andral o Egipt.“

2. Mojžišoskro 17:2

Akor pes o manuša chudle te vesekedinel le Mojžišoha a phende leske: „De amen paňi! Sam smedna.“ O Mojžiš lenge phenďa: „Soske tumen manca vesekedinen? Soske pokušinen le RAJES?“

Židenge 3:9

akor, sar man tumare dada furt pokušinenas, kajte saranda (40) berš dikhenas oda, so keravas.

1. Korinťanenge 10:9

Aňi te na pokušinas le Kristus, avke sar varesave lendar pokušinenas a murdarde len o sapa.

1. Korinťanenge 10:5

Ale buter džene lendar na sas pre dzeka le Devleske a mule pre pušťa.

Matuš 4:7

O Ježiš leske odphenďa: „Ale hin the pisimen: ‚Na pokušineha le Rajes, tire Devles!‘ “

Malachijaš 3:15

Akana phenas pro barikane, hoj hine požehňimen. Na ča oda, hoj sa lenge avel avri, ale mek pokušinen le Devles, a furt lenge savoro predžal.‘ “

Žalmi 106:14

Pre pušťa lengri žadosca našťi dočaľiľa; ode pokušinenas le Devles.

4. Mojžišoskro 14:11

O RAJ prevakerďa ko Mojžiš: „Dži kana man kala manuša tele dikhena? Dži kana mange na pačana, se maškar lende kerďom bare znameňja?

2. Mojžišoskro 14:11

A phende le Mojžišoske: „Či sas frima hrobi andro Egipt? Anďal amen kade, hoj te meras pre pušťa! So amenge kerďal? Soske amen iľal avri andral o Egipt?

1. Mojžišoskro 31:41

Kavke keravas prekal tu biš (20) berš buči. Dešuštar (14) berš vaš soduj čhaja a šov berš vaš o stadi, ale dešvar mange čerinehas miro počiňiben.

2. Mojžišoskro 5:21

Ola murša lenge phende: „O RAJ mi dikhel pre oda, so kerďan, a mi marel tumen vaš oda, bo akana amen džungľarďan anglo Faraonos the angle leskre služobňika. Kada, so kerďan, hin avke, sar te lenge diňanas andro vast e šabľa, hoj amen te murdaren.“

2. Mojžišoskro 15:24

Avke o manuša reptinenas pro Mojžiš: „So pijaha?“

2. Mojžišoskro 16:2

Ode savore Izraeliti reptinenas pro Mojžiš the pro Aron.

2. Mojžišoskro 17:3

Ale o manuša sas igen smedna a reptinenas pro Mojžiš: „Soske amen iľal avri andral o Egipt? Vašoda, hoj amen, amare čhave the o dobitkos te meras le smedostar?“

2. Mojžišoskro 17:7

Ole thaneske diňa nav Massa the Meriba, bo o Izraeliti pes ode vesekedinenas a pokušinenas le RAJES, sar phenenas: „Hin maškar amende o RAJ abo na?“

4. Mojžišoskro 11:1

O manuša anglo RAJ chudle te reptinel vaš peskro pharipen. O RAJ ada šunďa a choľisaľiľa avke, hoj labarďa la jagaha o avrune agora le taboriskre.

4. Mojžišoskro 11:4

Varesave bitanga manuša, save sas le Izraelitenca, kamenas igen te chal mas. A the o Izraeliti chudle pale te vičinel rovibnaha: „Te amen uľahas varesavo mas!

4. Mojžišoskro 12:1

E Mirijam le Aronoha reptinenas pro Mojžiš, bo iľa peske romňa Kušijka.

4. Mojžišoskro 14:2

Savore manuša reptinenas pro Mojžiš the pro Aron: „Uľahas amenge feder, te muľamas andro Egipt abo kade pre pušťa.

5. Mojžišoskro 9:7

„Leperen tumenge a šoha ma bisteren, sar pre pušťa choľarenas le RAJES, tire Devles. Vzburinenas tumen pro RAJ akorestar, sar avľan avri andral o Egipt, dži akor, medik na doavľan pre kada than.

Žalmi 78:41

Pale a pale pokušinenas le Devles, dukhavenas le Svetes le Izraeloskres.

Daniel 1:20

O kraľis dikhľa, hoj andre dojekh goďaver veca, pal savi lendar phučelas, sas dešvar goďavereder sar savore čaroďejňika the vražňika andre calo leskro kraľišagos.

4. Mojžišoskro 32:12

Ča o Kenizitas o Kaleb, le Jefunoskro čhavo, the o Jozua, le Nunoskro čhavo, pes mange oddine cale jileha.‘

Izajaš 42:20

Dikhľal but veci, ale na kerďal tuke olestar ňič; o kana tute hin otkerde, ale na šunes ňič.“