3. Mojžišoskro 7:21 - Le Devleskero Lav Andre Romaňi Čhib Slovensko 2021

²¹ Te pes vareko chudňahas varesostar, so hin nažužo – či le manušeskre nažužipnastar vaj varesave nažuže džvirendar – a chaľahas le masestar pal le RAJESKRI smiromoskri obeta, ela tradlo het pašal peskre manuša.‘ “

3. Mojžišoskro 7:21 Referans Kwoze

Ezechiel 4:14

Akor phenďom: „Jaj, RAJA, Adonaj, mek šoha man na meľarďom andre. Terňipnastar dži akana mek šoha na chaľom ňisavi zdochľina aňi ňisave džviros, so sas čhingerdo avre džvirostar. Ňisavo nažužo mas mek šoha na sas andre miro muj.“

3. Mojžišoskro 12:1

O RAJ phenďa le Mojžišoske:

3. Mojžišoskro 11:20

„ ‚Savoro štarepindrengro hmizos le kridlenca tumenge ela džungalo.

5. Mojžišoskro 14:10

Ale našťi chan ola, saven nane šupini the plutvi. Hine tumenge nažuže.

5. Mojžišoskro 14:3

„Ma chan ňič, so hin nažužo le Devleske.

3. Mojžišoskro 22:4

Te varekas andral o potomstvos le Aronoskro uľahas o nasvaľiben pre cipa abo lestar geľahas o vitok, našťi chal le svete obetendar, medik pes na obžužarela. Ela nažužo the akor, te pes chudňahas varesave vecendar, save sas meľarde andre le mule manušestar, abo te lestar geľahas avri o semenos.

3. Mojžišoskro 18:29

Sako, ko kerďahas ča jekh kale džungipnastar, ela tradlo het le Devleskre manušendar.

3. Mojžišoskro 17:14

Se andro rat hin o dživipen dojekhe ťeloskro. Vašoda phenďom le Izraelitenge: „Našťi chan ňisavo rat, bo andre leste hin o dživipen dojekhe ťeloskro. Sako, ko chaľahas o rat, ela tradlo het.“

3. Mojžišoskro 17:10

„ ‚Te varesavo Izraelitas abo cudzincos, so bešel tumenca, chala o rat, me lestar visarava miro muj. Sakones, ko chaľahas o rat, tradava avri mire manušendar.

3. Mojžišoskro 7:27

Sako, ko chaľahas o rat, ela tradlo het pašal peskre manuša.‘ “

3. Mojžišoskro 7:25

Sako, ko chaľahas o žiros le džvirostar, savo hino obetimen sar e jagaľi obeta le RAJESKE, ela tradlo het pašal peskre manuša.

3. Mojžišoskro 7:20

Ale te vareko, ko hin nažužo, chaľahas le masestar pal le RAJESKRI smiromoskri obeta, ela tradlo het pašal peskre manuša.

2. Mojžišoskro 12:19

Efta džives tumen našťi avel andre tumaro kher ňisavo kvasos. Sako, ko chala vareso le kvasostar, ela avritradlo le narodostar, či hino Izraelitas abo cudzincos.

2. Mojžišoskro 12:15

O RAJ phenďa: „Efta dživesa chana o mare bi o kvasos. Pro ešebno džives mušinen andral tumare khera te čhivel het savoro kvasos. A te vareko andre kala efta dživesa chala vareso le kvasoha, akor oda dženo ela tradlo het mire manušendar.

1. Mojžišoskro 17:14

Dojekh murš, savo na ela obrezimen pro ťelos, mi el avričhido peskre manušendar, bo na doľikerďa miri zmluva.“

3. Mojžišoskro 7:22

O RAJ phenďa le Mojžišoske:

3. Mojžišoskro 22:3

Phen lenge: ‚Prekal savore pokoleňja, so avena, te vareko tumare potomkendar geľahas paš ola sveta veci, save o Izraeliti odďelinde prekal o RAJ, a uľahas nažužo, kajso manuš pes mušinel te tradel het pašal miro muj. Me som o RAJ.

4. Mojžišoskro 19:22

Savoro, sostar pes chudela o nažužo dženo, ela nažužo. Te pes lestar chudela aver dženo, ela the ov nažužo dži rači.“

1. Samueloskro 20:26

Oda džives o Saul na phenďa ňič, bo phenďa peske: „Mušinďa pes varesoha te meľarel. Hino nažužo, vašoda nane hodno kade te avel.“

3. Mojžišoskro 19:8

Ela vina oles, ko oda chala, bo meľarďa andre oda, so hin sveto le RAJESKE. Ela tradlo het le Devleskre manušendar.

3. Mojžišoskro 20:3

Me korkoro džava pre leste a tradava les avri leskre manušendar, bo diňa le Molochoske peskre čhavendar a oleha meľarďa miro Svetostankos a kerďa ladž mire svete naveske.

3. Mojžišoskro 23:29

Sako, ko pes na poscinďahas andre kada džives, ela tradlo het peskre manušendar.

Ezechiel 33:25

Vašoda lenge phen: ‚Kada phenel o RAJ, o Adonaj: Tumen chan o mas le rateha a lašaren o modli, čhoren avri o rat a the avke kamen te zďeďinel e phuv?