3. Mojžišoskro 25:6 - Le Devleskero Lav Andre Romaňi Čhib Slovensko 2021

⁶ Savoro, so pre phuv barola andre oda berš, šaj chaha tu, tiro sluhas, tiri služka, tiro robotňikos the cudzincos, savo bešel ke tute.

3. Mojžišoskro 25:6 Referans Kwoze

Skutki 4:32

Olen, ko pačanďile, sas jekh gondoľišagos the jekh jilo a sas igen but džene. A ňiko lendar na phenelas pal oda, so les sas, hoj oda hin leskro, ale savoro len sas jekhetane.

Skutki 2:44

Savore manuša, so pačanďile, sas peha a sas len savoro jekhetane.

3. Mojžišoskro 25:20

Tumen šaj phučen: „So chaha pro eftato berš, te na sadzinaha aňi na skidaha upre o uľipen?“

2. Mojžišoskro 23:11

ale andro eftato berš pre maľa na kereha ňič. Mi chan pal late tire čore manuša a mi chan o maľakre džviri oda, so ačhela pal lende. Avke ker la viňicaha the le olivove stromenca.

3. Mojžišoskro 25:5

Ma skide oda, so bariľa korkoro pestar, ma skide o hroznos pal tiri viňica. Oda berš peske e phuv odpočovinela.

3. Mojžišoskro 25:7

The tiro dobitkos the o džviri, so hine andre tiri phuv, šaj chana savorestar, so upre barola.‘ “

3. Mojžišoskro 25:21

Pro šovto berš tumen požehňinava avke, hoj tumenge barola dos uľipen pro trin berš.

2. Kraľengro 19:29

Kada tuke ela o znameňje, Chizkija: Andre kada berš chana ča oda, so barola avri korkoro pestar, a aver berš chana oda, so mek pale barola olestar. Ale pro trito berš sadzinen a skiden upre, sadzinen o viňici a chan lengro ovocje.