3. Mojžišoskro 25:24 - Le Devleskero Lav Andre Romaňi Čhib Slovensko 2021

²⁴ Andre caľi tumari phuv mušinen te kerel avke, hoj pes e phuv, so sas bikenďi, te del te odcinel pale.

3. Mojžišoskro 25:24 Referans Kwoze

Efežanenge 4:30

Ma dukhaven le Svete Duchos, saveha sanas zapečaťimen pre oda Džives, sar avena zachraňimen.

Efežanenge 1:14

O Sveto Duchos hino e zaruka prekal amende, hoj o Del amen dela oda, so phenďa. Diňa lav, hoj cinela peskre manušen avri pre chvala peskra slavake!

Efežanenge 1:7

Andre leste sam avricinde, prekal leskro rat amenge hin odmukle o bini. Igen bari hin e milosť le Devleskri,

1. Korinťanenge 1:30

Ale le Devlestar san andro Ježiš Kristus, savo ačhiľa amaro goďaveripen. Andro Kristus sam ospravedlňimen, pošvecimen the avricinde,

Rimanenge 8:23

No na ča oda, ale the amen, save chudňam le Duchos sar oda ešebno daros le Devlestar, cerpinas andre peste, sar užaras pro Del, hoj amendar te kerel peskre čhaven a te oslobodzinel amaro ťelos.

3. Mojžišoskro 25:31

Ale o khera andro gava, save nane ohradzimen le murenca, pes rachinena avke sar o maľi. Oda, ko bikenďa o kher, šaj les cinela pale, abo šaj užarel pro Radišagoskro Berš, kana les chudela pale.

3. Mojžišoskro 25:27

rachinela avri o berša, kanastar e maľa bikenďa a počinela oleske, kaske la bikenďa pal oda, keci berša ačhen dži o Radišagoskro Berš. Kavke dochudela pale peskri maľa.

3. Mojžišoskro 25:23

„ ‚E phuv pes našťi bikenel pro furt, bo hiňi miri. Tumen san ke ma ča sar o cudzinci the sar ola, ko kade ča bešen.

3. Mojžišoskro 25:25

Te vareko le Izraelitendar ačhela čoro a mušinela te bikenel peskri phuv, akor mušinel te avel leskri nekpašeder famelija a te cinel la pale.

Ezechiel 7:13

Bo oda, ko bikenel, na džala pale paš oda, so bikenďa, aňi kajte ačhilehas sodujdžene te dživel, bo oda, so phenďa o RAJ pal ola manuša, pes ačhela. Angle lengre bini aňi jekh lendar na ačhela te dživel.

Jeremijaš 32:7

Dikh, avela pal tu o Chanamel, o čhavo mire bačiskro le Šalumoskro, a phenela: ‚Cin tuke miri maľa, so hiňi andro Anatot, bo tu sal mange nekpašeder famelija a tut ešebnones hin pravos la te cinel.‘