3. Mojžišoskro 25:19 - Le Devleskero Lav Andre Romaňi Čhib Slovensko 2021

¹⁹ E phuv tumenge anela peskro uľipen, chana čales a bešena ode andro smirom.

3. Mojžišoskro 25:19 Referans Kwoze

Joel 2:26

Ela tumen but chaben a chana čales; lašarena o nav le RAJESKRO, tumare Devleskro, savo kerelas o zazraki prekal tumende. Mire manuša pes imar šoha na ladžana.

Žalmi 85:12

E vernosť barola andral e phuv, o spravodľišagos dikhela tele andral o ňebos.

3. Mojžišoskro 26:5

Barola tumenge ajci zrnos, hoj les skidena upre mek akor, sar pes skidel upre o hroznos, a o hrozni skidena upre mek akor, sar pes sadzinel. Ela tumen pherdo chaben, chana tumenge a dživena bi e dar andre tumari phuv.

Joel 2:24

Andro humnos ela pherdo pšeňica a o lisi prečuľana la moľaha the le olejoha.

Ezechiel 36:30

Dava, hoj te barol but ovocje pro stromi the but uľipen pre maľa, hoj o aver narodi tumen imar te na dikhen tele vaš oda, hoj san bokhale.

Izajaš 30:23

Ov dela o brišind pre tire semena, so sadzinďal pre maľa, a e phuv anela baro uľipen the but chaben. Andre oda džives pes tiro stados pašinela pre bari zeleno čar.

Žalmi 67:6

Mi bararen tut, Devla, o manuša, mi bararen tut savore manuša!

3. Mojžišoskro 25:18

Doľikeren mire prikazaňja, šunen mire zakoni a dživen pal lende, hoj te bešen andro smirom andre tumari phuv.

3. Mojžišoskro 25:20

Tumen šaj phučen: „So chaha pro eftato berš, te na sadzinaha aňi na skidaha upre o uľipen?“

3. Mojžišoskro 26:4

akor tumenge bičhavava o brišind andro spravno časos, e phuv dela peskro uľipen a o stromi peskro ovocje.

3. Mojžišoskro 26:6

Dava o smirom andre phuv, a sar sovena, ňiko tumen na daravela avri. Tradava het le dzive džviren andral e phuv a imar šoha na ela o mariben andre tumari phuv.

5. Mojžišoskro 12:10

Ale predžana o paňi Jordan a bešena andre odi phuv, savi tumenge del o RAJ, tumaro Del, hoj te avel tumari. Ov tumen chraňinela savore tumare ňeprijaťeľendar, hoj te dživen andro smirom.

1. Kraľengro 5:5

Medik o Šalamun kraľinelas, o manuša andre caľi Judsko the Izrael – andral o Dan dži andre Beer-Šeba – dživenas bi e dar a dojekhes sas viňica the figovňikos.

Prislovja 1:33

Ale oda, ko man šunel, pes na mušinel te daral, dživela andro smirom a na darala pes le nalačhipnastar.

Izajaš 1:19

Te kamena a te man šunena, chana o lačhe dari la phuvakre.