3. Mojžišoskro 21:1 - Le Devleskero Lav Andre Romaňi Čhib Slovensko 2021

¹ O RAJ phenďa le Mojžišoske: „Phen le rašajenge, le Aronoskre čhavenge, kada: ‚Ma meľaren tumen andre oleha, hoj avľanas pašes ko mulo manuš tumare manušendar.

3. Mojžišoskro 21:1 Referans Kwoze

Ezechiel 44:25

Našťi džan paš o mulo manuš, hoj pes te na meľaren andre, ale ča akor šaj, te oda mulo manuš uľahas lengro dad abo daj, čhavo abo čhaj, phral abo pheň, savi mek nane romeste.

4. Mojžišoskro 19:14

Kada hin o zakonos, te vareko merela andre varesavo stanos: Dojekh dženo, ko hino andro stanos a ko džala andre, ela nažužo efta dživesa.

3. Mojžišoskro 21:11

Našťi avel pre oda than, kaj hin o mulo manuš, hoj pes te meľarel. Aňi te oda ela leskro dad abo leskri daj,

3. Mojžišoskro 19:28

Ma čhingeren tumen pro ťelos, sar roven vaš o mulo manuš, aňi ma tetinen tumenge pro ťelos o znaki. Me som o RAJ.

Malachijaš 2:4

Akor prindžarena, hoj kada prikazis tumenge bičhaďom, hoj pes te doľikerel miri zmluva le rašajenca, le Leviskre čhavenca,“ phenel o Nekzoraleder RAJ.

Malachijaš 2:1

„Akana, rašajale, dav tumenge kada prikazis:

Hozeaš 5:1

„Šunen kada, rašajale! Phundraven o kana, Izraelitale! Šunen mištes, tumen e famelija le kraľiskri! Bo kada sudos hin pre tumende! Ačhiľan pascake prekal e Micpa, san nacirdle sar e sita pro verchos Tabor.

4. Mojžišoskro 19:16

Te pes vareko pre maľa chudela le manušestar, so sas murdardo la šabľaha, vaj varekastar, ko muľa varesar avres, abo te pes chudela le mule manušeskre kokalendar, vaj le hrobostar, ela efta dživesa nažužo.

4. Mojžišoskro 5:2

„Prikazin le Izraelitenge, hoj te traden avri andral o taboris savoren, save hine malomocna, abo nasvale avke, hoj čuľal lendar vareso, the olen, save pes meľarde oleha, hoj pes chudle le mulestar.

4. Mojžišoskro 6:6

Calo časos, medik hino Nazarejcos, našťi pes chudel le mule ťelostar.

4. Mojžišoskro 19:11

Ko pes chudela le mule manušestar, ela nažužo efta dživesa.