3. Mojžišoskro 19:32 - Le Devleskero Lav Andre Romaňi Čhib Slovensko 2021

³² Den pačiv olen, kaske hin buter berša. Ušťen upre anglo manuša, saven hin šiva bala, a daran tumen tumare Devlestar. Me som o RAJ.

3. Mojžišoskro 19:32 Referans Kwoze

1. Timoteoske 5:1

Le phuredere manušeske ma dovaker zoraha, ale dovaker leske sar dadeske, le ternederenge sar phralenge,

Roviben le Jeremijašiskro 5:12

Amare rajen figinenas peskre vastenca a le phure manušenge na presikavenas ňisavi pačiv.

Prislovja 16:31

O šiva bala hin e šukar koruna, dochudel pes la čačipnaskre dživipnaha.

Prislovja 20:29

O šukariben le ternengro hin lengri zor; no o šiva bala šukaľaren le phuren.

O Job 32:6

Avke o Elihu andral o Buz, le Baracheloskro čhavo, phenďa kada: „Me som terno a tumen san imar phureder, vašoda man daravas a zľikeravas man te phenel tumenge oda, so džanav.

O Job 32:4

No, o Elihu užarelas, medik chudňa te vakerel le Joboha, bo okla džene sas phureder sar ov.

1. Peter 2:17

Važinen tumenge savore manušen, le phralen kamen, le Devlestar daran a le kraľis den pačiv.

Rimanenge 13:7

Den sakoneske oda, so leske kamen: Kaske o daňe, oleske o daňe; kaske o clo, oleske o clo; kaske e pačiv, oleske e pačiv; kastar kampel te daral, olestar daran.

Izajaš 3:5

O manuša trapinena jekh avres, o murš džala pro murš, o susedas pro susedas. O terno ušťela upre pro phureder, a ko na mol ňič, pre oda, kas hin bari pačiv.

3. Mojžišoskro 19:14

Ma koš le kašukes, aňi ma thov ňič pro drom tel o pindre le koreske, ale dara tut tire Devlestar. Me som o RAJ.

1. Kraľengro 2:19

Paľis, sar avľa e Batšeba ko Šalamun te privakerel pes vaš o Adonijah, o Šalamun ušťiľa pal o tronos a banďiľa angle late. Avke bešľa pale pro tronos a thoďa the la te bešel pro tronos pal peskri čači sera.

1. Mojžišoskro 31:35

E Rachel phenďa le dadeske: „Ma av choľamen pre ma, rajeja miro, ale našťi anglal tu uščav, bo hin man ola dživesa, so aven pre dojekh džuvľi.“ O Laban rodelas, ale le devloren na arakhľa.

2. Kraľengro 17:36

Ale lašaren man, tumare RAJES, savo tumen iľa avri andral o Egipt peskre vasteha the bara zoraha. Ča mange obetinen a anglal ma banďon.

Prislovja 23:22

Šun tire dades, bo ov tut diňa dživipen, a ma dikh tele tira da, sar phurola.

1. Mojžišoskro 48:12

O Jozef iľa peskre čhaven tele pal o pindre le Jakoboskre a banďiľa le mujeha dži pre phuv.