3. Mojžišoskro 19:11 - Le Devleskero Lav Andre Romaňi Čhib Slovensko 2021

¹¹ Ma čoren! Ma klaminen! Ma thoven avri jekh avreha!

3. Mojžišoskro 19:11 Referans Kwoze

2. Mojžišoskro 20:15

Na čoreha!

Kološanenge 3:9

Ma klaminen jekh avreske, bo imar čhiďan tele le purane manušes leskre skutkenca

Efežanenge 4:25

Savore sam jekhetane andre jekh ťelos, vašoda preačhen te klaminel a chuden te vakerel o čačipen jekh avreha.

Žalmi 101:7

Andre miro kher na bešela ňiko, ko avrenca thovel avri; paš ma na obačhela ňisavo klamaris.

Rimanenge 3:4

Šoha na! Ale mi sikavel pes, hoj o Del hino čačipnaskro a dojekh manuš hino klamaris, avke sar hin pisimen: „Te sikavel pes, hoj sal čačipnaskro, sar vakeres, a hoj te zviťazines, te tut sudzinena.“

5. Mojžišoskro 5:19

Na čoreha!

Zjaveňje 21:8

Ale o zbabelci, o ňeverna, ola, ko keren o džungale veci, o vrahi, o lubara, o čaroďejňika, o modlara a the savore klamara ena čhide andro jazeros, so labol la jagaha the la siraha. Kada hin o dujto meriben.“

1. Timoteoske 1:10

O zakonos hino the prekal o lubara, prekal o murša, so soven le muršenca, prekal ola, ko cinen the bikenen le manušen, prekal o klamara the prekal ola, ko den lav klamišagoha, a prekal sakoneste, ko dživen avke, hoj pes oda na zdžal le saste sikavibnaha.

Efežanenge 4:28

Oda, ko čorel, imar buter te na čorel, ale mi chudel te kerel buči peskre vastenca, hoj les te avel so te del olen, kas nane.

Jeremijaš 6:13

„Le nekciknederestar dži o nekbareder, savorenge džal ča pal o love. Mek the o proroka the o rašaja, savore ča thoven avri le manušenca.

Žalmi 116:11

Andre miro pharipen phenďom: „Dojekh manuš klaminel.“

2. Mojžišoskro 22:7

Ale te les na prichudena, ela privičimen oda dženo, kaske sas dine ola veci, anglo Del a mušinela te phenel čačipen, hoj ov na iľa aver dženeskre veci.

2. Mojžišoskro 22:1

Te ole dženes prichudena, sar čorel, a zraňinena avke, hoj merela, oda dženo na ela vinnovato vaš leskro meriben,

2. Mojžišoskro 20:17

Tire jakha te na žadinen ňič, so hin avreskro; te na žadinen aňi leskro kher aňi leskra romňa aňi leskre sluhen aňi leskra gurumňa aňi leskre somaris aňi ňič aver, so patrinel avreske!“

1. Kraľengro 13:18

Paľis o phuro prorokos leske phenďa: „The me som prorokos avke sar the tu a le RAJESKRO aňjelos mange phenďa: ‚Dža a an les pale andre tiro kher, hoj te chal ode maro a te pijel paňi.‘ “ Kavke leske klaminelas.

2. Mojžišoskro 20:16

Na svedčineha klamišagoha pre aver manuš!

2. Mojžišoskro 23:1

Ma rozľidža nalačho hiros. Na pomožineha le manušeske, savo hino vinnovato, oleha, hoj svedčineha falošňe.

3. Mojžišoskro 19:10

Ma visar tut dujtovar andre tiri viňica, hoj te skides upre o hroznos, aňi ma skide oda, so peľa pre phuv. Muk oda le čoreske the le cudzincoske. Me som o RAJ, tumaro Del.

2. Samueloskro 17:20

Sar avle le Absolonoskre murša ke džuvľi andro kher, phučle latar: „Kaj hine o Achimaac the o Jonatan?“ „Odgele adarik a pregele o paňi,“ odphenďa lenge. Akor on len chudle te rodel, ale sar len našťi arakhenas, gele pale andro Jeruzalem.

Prislovja 24:28

Ma svedčin pre aver dženo, te tut nane soske, a ma klamin tire vuštenca.