3. Mojžišoskro 11:10 - Le Devleskero Lav Andre Romaňi Čhib Slovensko 2021

¹⁰ Ale tumenge ela džungalo chocsavo džviros, so dživel a čhalavel pes tel o paňi – andro mori the andro jarki – kas nane plutvi abo šupini.

3. Mojžišoskro 11:10 Referans Kwoze

Prislovja 29:27

Le lačhe manušenge džungľol o nalačho manuš a le nalačhe manušeske džungľol oda, ko dživel čačipnaha.

3. Mojžišoskro 7:18

Te pes o mas kala smiromoskra obetatar chala the pro trito džives, o manuš, ko la anďa, na ela priilo; e obeta pes leske na rachinela, bo hiňi nažuži. Oles, ko latar chala, ela vina.

Prislovja 13:20

Ko phirel le goďaverenca, ela goďaver, no ko pes ľikerel le dilinenca, namištes doperela.

5. Mojžišoskro 14:3

„Ma chan ňič, so hin nažužo le Devleske.

Zjaveňje 21:8

Ale o zbabelci, o ňeverna, ola, ko keren o džungale veci, o vrahi, o lubara, o čaroďejňika, o modlara a the savore klamara ena čhide andro jazeros, so labol la jagaha the la siraha. Kada hin o dujto meriben.“

1. Mojžišoskro 1:20

O Del phenďa: „Mi pherdžaren pes o paňa le džide tvorenca a mi ľecinen o čirikle upral e phuv pal calo ňebos.“

3. Mojžišoskro 11:9

„ ‚Savorestar, so dživel andro paňi, andro moros the andro jarki, šaj chan savoren, kas hin the plutvi the šupini.

3. Mojžišoskro 11:11

Ela tumenge oda džungipen. Lengre masestar ma chan a mi džungľon tumenge lengre zdochlini.

5. Mojžišoskro 14:10

Ale našťi chan ola, saven nane šupini the plutvi. Hine tumenge nažuže.