2. Samueloskro 6:20 - Le Devleskero Lav Andre Romaňi Čhib Slovensko 2021

²⁰ Sar pes o David visarelas khere te požehňinel peskra famelija, le Sauloskri čhaj e Mikal geľa avri anglal leste a phenďa: „Savi bari pačiv tuke kerďal adadžives! Tu, o kraľis le Izraeloskro! Čhiďal tut tele jepaš lango anglo jakha le služkengre tire služobňikengre sar varesavo manuš, savo pes ňikastar na ladžal!“

2. Samueloskro 6:20 Referans Kwoze

2. Samueloskro 6:16

Sar e archa le Devleskri avelas andro Jeruzalem, le Sauloskri čhaj e Mikal dikhelas avri prekal e oblaka. Sar dikhľa le kraľis le David, sar chučkerel a khelel anglo RAJ, dikhľa les tele andre peskro jilo.

2. Samueloskro 6:14

Pro David sas urdo andro efodos le ľanostar a khelelas andral caľi peskri zor anglo RAJ.

Sudcengro 9:4

Paľis dine le Abimelech eftavardeš (70) rupune love andral o chramos lengre devleskro Baal-Berit. Ov peske iľa ola eftavardeš (70) rupune love a počinďa le zbujňikenge, so pes ke leste pridine.

Marek 3:21

Sar pes le Ježišoskri famelija pal oda došunďa, avle, hoj les te len het, bo phende pre leste, hoj našaďa e goďi.

Žalmi 101:2

Dav mange pozoris, hoj te phirav pal o dokonalo drom. Kana aveha ke ma? Andre miro kher dživava žuže jileha.

Žalmi 30:1

O žalmos le Davidoskro. E giľi paš o sentňariben le Chramoskro.

O Job 30:8

On, o čhave le nagoďavengre, chockaskre čhave, so sas avričhide andral e phuv!

1. Kronicko 16:43

Paľis pes savore manuša rozgele khere. Geľa the o David, hoj te požehňinel peskra famelija.

2. Samueloskro 6:18

Sar imar dokerďa kala obeti, požehňinďa le manušen andro nav le Nekzoraledere RAJESKRO.

Jozua 24:15

Ale te tumenge nane pre dzeka te služinel le RAJESKE, kiden tumenge adadžives avri, kaske kamen te služinel, či le devlenge, savenge služinenas tumare dada pal o paňi Eufrat, abo le devlenge andral e phuv le Amorejčanengri, andre savi bešen. Ale me the miro kher služinaha le RAJESKE.“

1. Mojžišoskro 18:19

Bo mange les kidňom avri, hoj te phenel peskre čhavenge a savore peskre potomkenge, hoj pes te ľikeren pal miro drom a te keren oda, so hin čačo a spravno. Te oda kerena, kerava le Abrahamoske savoro avke, sar leske oda phenďom.“

O Evaňjelium le Janoskro 13:6

Sar avľa paš o Šimon Peter, phučľa lestar o Peter: „Rajeja, tu mange kames te thovel o pindre?“

Marek 14:66

Sar sas o Peter tele pre dvora, avľa ode jekh služka le nekbareder rašaskri,

1. Samueloskro 14:49

Le Sauloskre čhave sas o Jonatan, o Jišvi the o Malki-Šua. Leskri phureder čhaj pes vičinelas Merab a e terneder Mikal.

2. Samueloskro 6:19

Paľis diňa savore Izraeliten, save ode sas, le muršen the le džuvľen, po jekh maro, ovocno bokeľi le ďatľendar the bokeľi le šuke hroznendar. Paľis pes savore rozgele andre peskre khera.

Kazaťeľis 7:17

Ma av nalačho aňi ma av dilino – soske te meres, te mek nane tiro časos?

1. Samueloskro 18:20

Ale leskri dujto čhaj e Mikal pes zakamľa andro David. Sar oda le Sauloske phende, sas leske oda pre dzeka.