2. Samueloskro 6:10 - Le Devleskero Lav Andre Romaňi Čhib Slovensko 2021

¹⁰ Avke o David na iľa le RAJESKRI archa ke peste andro Jeruzalem, ale diňa la te ľidžal andro kher le Obed-Edomoskro, savo sas andral o Gat.

2. Samueloskro 6:10 Referans Kwoze

1. Kronicko 16:5

O Asaf sas lengro vodcas a dujto pal leste sas o Zecharijah. O Jaaziel, o Šemiramot, o Jechiel, o Matitijah, o Eliab, o Benajah, o Obed-Edom the o Jeiel bašavenas pro harfi the citari a o Asaf pre cimbalma.

1. Kronicko 15:18

a paš lende lengre phralen, save len majinenas te čerinel: le Zecharijah, le Jaaziel, le Šemiramot, le Jechiel, le Uni, le Eliab, le Benajah, le Maasejah, le Matitijah, le Elifeleh; the le Miknejah a le chramoskre stražňiken: le Obed-Edom the le Jeiel.

2. Samueloskro 18:2

Avke len bičhaďa andro trin partiji le Joaboha, le Joaboskre phraleha le Abišajoha the le Itajoha andral o Gat. Dojekh lendar ľidžalas peskra partija. Paľis phenďa o David le muršenge: „Kamav the me te džal tumenca.“

2. Samueloskro 15:19

Akor phenďa o David le Itajoske, savo sas andral o Gat: „Soske aves the tu amenca? Dža pale a ačh paš o kraľis Absolon. Se tu sal cudzincos, saves tradle avri andral peskri phuv.

2. Samueloskro 4:3

o manuša, save angloda bešenas andro Beerot, denašle andro Gitajim a dživen ode dži adadžives sar cudzinci.

Jozua 19:45

o Jehud, o Bene-Berak, o Gat-Rimon,

2. Samueloskro 5:7

Ale o David zaiľa o ohradzimen foros Sion; oda akana hin o Foros le Davidoskro.

2. Samueloskro 5:9

Sar o David zaiľa oda ohradzimen foros, ačhiľa ode te bešel a diňa leske nav „Foros le Davidoskro“. Paľis o David ačhaďa o muros la terasatar dži andre.