2. Samueloskro 21:2 - Le Devleskero Lav Andre Romaňi Čhib Slovensko 2021

² O manuša andral o Gibeon na sas Izraeliti, on sas posledna le Amorejčanendar, savenge o Izraeliti dine lav, hoj len na murdarena. Ale o Saul kerelas savoro pre oda, hoj len te murdarel avri, bo kamľa, hoj e phuv te ačhel ča prekal e Judsko the Izrael. Vašoda o David peske diňa te vičinel le Gibeončanen a vakerelas lenca.

2. Samueloskro 21:2 Referans Kwoze

Galaťanenge 4:17

Ola manuša tumen kamen te dochudel a sikaven, hoj lenge igen džal pal tumaro lačho. Ale on tumen ča kamen te odlel mandar, bo kamen, hoj te džan pal lende.

Rimanenge 10:2

Šaj phenav, hoj labon pal o Del, ale nane len spravno prindžaripen.

2. Kraľengro 10:31

Ale o Jehu na dodikhelas pre oda, hoj te doľikerel cale peskre jileha o zakonos, so diňa avri o RAJ, o Del le Izraeloskro. Na visarďa pes le Jeroboamoskre nalačhipnastar, savo cirdňa le Izraeliten andro binos.

2. Kraľengro 10:16

O Jehu leske phenďa: „Av manca, hoj te dikhes, sar caľa zoraha služinav le RAJESKE.“ Avke ov leha džalas pre leskro verdan.

1. Samueloskro 14:44

„O Del man zorales mi marel, te tu vaš oda na mereha!“ phenďa o Saul.

5. Mojžišoskro 7:16

Zňičinen dojekhe narodos, saves o RAJ dela andre tumare vasta. Ma presikaven lenge ňisavo jileskeriben aňi ma lašaren lengre devlen, bo oda uľahas prekal tumende pasca!

1. Mojžišoskro 15:16

Andro štarto pokoleňje avena tire potomki pale kade, bo mek na avľa oda časos, hoj te marav le Amorejčanen vaš lengre bini.“

O Evaňjelium le Janoskro 16:2

Čhivena tumen avri andral o sinagogi a avel e ora, kana peske sako, ko tumen murdarela, gondoľinela, hoj oleha služinel le Devleske.

2. Samueloskro 24:1

O RAJ pale choľisaľiľa pro Izraeliti. Kerďa pre lende upre le David, hoj te džal te zgenel le manušen andral o Izrael the andral e Judsko.

1. Kronicko 1:14

O Kanaan sas o dad le Jebusejenge, le Amorejčanenge, le Girgašejenge,