2. Samueloskro 2:14 - Le Devleskero Lav Andre Romaňi Čhib Slovensko 2021

¹⁴ Avke o Abner phenďa le Joaboske: „Mi ušťen varesave terne murša a mi maren pes jekh avreha anglal amende.“ „Mištes, mi džan,“ phenďa o Joab.

2. Samueloskro 2:14 Referans Kwoze

2. Samueloskro 2:17

Oda džives chudňa maškar lende zoralo mariben, andre savo o murša le Davidoskre zviťazinde upral o Abner the upral o Izraeliti.

Prislovja 25:8

ma siďar te del andre pro sudos. So paľis kereha, te tut aver dženo anela andre ladž?

Prislovja 20:18

Ker tire plani pal e porada; so buter akor, te džas andro mariben.

Prislovja 17:14

Sar chudel o vesekedišagos, sar te pes mukľahas avri o paňi andral e hradza, vašoda preačh, medik na demel zorales avri.

Prislovja 10:23

Le dilineske hin pre dzeka te kerel o nalačhipen, ale o goďaver arakhel o radišagos andro goďaveripen.

2. Samueloskro 2:15

Avke pre peste gele dešuduj (12) Benjaminčana vaš o Išbošet a dešuduj murša vaš o David.

2. Samueloskro 2:16

Chudle jekh avres le šerestar a demade jekh avreske la šabľaha tel o pašvare a savore pele tele mule jekhetane. Ole thaneske andro Gibeon dine nav Chelkat-Hacurim, so hin prethodo: e Maľa le šabľengri.

2. Kraľengro 14:8

Andre jekh džives o Amacijah bičhaďa peskre muršen, hoj te phenen le izraelike kraľiske Jehoašoske: „Av pro mariben, dikhaha, ko hin amendar zoraleder!“