2. Peter 2:8 - Le Devleskero Lav Andre Romaňi Čhib Slovensko 2021

⁸ Oda spravodľivo manuš bešelas maškar lende a džives so džives andre peskri spravodľivo duša cerpinelas, sar dikhelas a šunelas, savo nalačhipen kerenas.

2. Peter 2:8 Referans Kwoze

Žalmi 119:158

Džungľol mange, sar dikhav pre ola, ko nane verna, bo na doľikeren tiro lav.

Ezechiel 9:4

O RAJ leske phenďa: „Dža prekal o foros, prekal o Jeruzalem, a poznačin pro čekata ole manušen, savenge hin pharo a roven vaš o baro džungipen, so pes kerel andro foros.“

Žalmi 119:136

Andral mire jakha čuľal pherdo apsa, bo tiro zakonos pes na doľikerel.

Prislovja 25:26

Sar o prameňis vaj e chaňig, so hine meľarde andre, avke hin o čačipnaskro, savo pomukel le nalačhe manušeske.

Jakob 5:16

Vašoda, phenen avri jekh avreske o bini a modľinen tumen jekh vaš aver, hoj te sasťon avri. E modľitba le spravodľive manušeskri šaj kerel but a hin la bari zor.

1. Timoteoske 1:9

A kada džanen, hoj o zakonos nane dino prekal o čačipnaskre, ale prekal ola, ko na doľikeren o zakonos a ko pes na podden – hino dino prekal o bijedevleskre the binošna, prekal ola, ko nane sveta aňi žuže, the prekal o vrahi, prekal ola, ko murdaren le dajen the le daden.

Prislovja 28:12

Te pes o lačhe manuša dochuden paš e zor, sako radisaľol, no te o nalačhe manuša chuden te kraľinel, o manuša pes garuven.

Žalmi 119:139

E choľi, so andre ma labol vaš tuke, man chal, bo mire ňeprijaťeľa bisterde pre tiro lav.

Ezechiel 9:6

Murdaren le phure muršes, le terne čhas, la terňa čha, la da the le čhaven. Ale ma chuden tumen olendar, ko hine poznačimen! Chuden ešeb andre miro Chramos!“ Avke on chudle te murdarel le phurederen, so sas anglo Chramos.

1. Mojžišoskro 13:13

O manuša andral e Sodoma sas igen nalačhe a anglo RAJ kerenas bare bini.

Židenge 11:4

Le pačabnaha anďa o Abel le Devleske feder obeta sar o Kain. Prekal o pačaben chudňa o sveďectvos, hoj hino čačipnaskro, bo leskre dari sas le Devleske pre dzeka. A kajte hino imar mulo, furt vakerel prekal o pačaben.