2. Mojžišoskro 3:21 - Le Devleskero Lav Andre Romaňi Čhib Slovensko 2021

²¹ Kerava avke, hoj o Egipťana tumen dena pačiv, a na džana odarik het čuče vastenca.

2. Mojžišoskro 3:21 Referans Kwoze

2. Mojžišoskro 12:36

O RAJ kerďa avke, hoj o Egipťana te presikaven pačiv le Izraelitenge a te den lenge savoro, so lendar mangenas. Kavke on ile het o barvaľipen le Egipťanendar.

Žalmi 105:37

Iľa avri le Izrael le rupoha the le somnakaha a savore sas saste the zorale.

2. Mojžišoskro 11:3

O RAJ kerďa, hoj o Izraeliti te arakhen milosť andro jakha le manušengre andro Egipt. Le Mojžiš denas andro Egipt bari pačiv the o uradňika le Faraonoskre the o manuša.

Prislovja 16:7

Te le RAJESKE hin pre dzeka le manušeskro dživipen, kerela, hoj leskre ňeprijaťeľa leha te aven andro smirom.

Žalmi 106:46

Kerďa, hoj lenge te presikaven o jileskeriben savore, so len zaile.

1. Mojžišoskro 39:21

o RAJ sas leha. Sas ke leste jileskro a diňa, hoj te el le stražňikoske upral e bertena pre dzeka.

Skutki 7:10

a iľa les avri andral savore leskre pharipena, presikaďa leske peskri milosť a diňa les goďi anglo Faraonos, egiptsko kraľis. Ov paľis ačhaďa le Jozef, hoj pes te starinel pal o Egipt the pal calo leskro kher.

Nehemiaš 1:11

Mangav tut, ó, RAJEJA, šun avri miri modľitba the e modľitba savore tire služobňikengri, so tut den pačiv le jilestar. De, hoj o kraľis te avel ke ma adadžives jileskro a te avel mange avri oda, so kamav.“ Andre oda časos somas hlavno čašňikos le kraľiskro, so leske podelas e mol.

2. Mojžišoskro 12:35

O Izraeliti kerde avke, sar lenge phenďa o Mojžiš, a mangenas peske le Egipťanendar rupune the somnakune veci the gada.

1. Kraľengro 8:50

Odmuk lenge savore bini a savoro nalačhipen, so kerde tuke, a de, hoj lengre ňeprijaťeľa te aven ke lende lačhejileskre.

1. Mojžišoskro 15:14

Ale me marava ole narodos, saveske on služinena sar otroka, a avena odarik avri bare barvaľipnaha.

2. Mojžišoskro 11:2

Phen le manušenge, hoj dojekh murš the dojekh džuvľi peske te mangen peskre susedendar rupune the somnakune veci.“

5. Mojžišoskro 15:13

Sar les premukeha, ma muk les te džal het avke, hoj les na deha ňič.