2. Mojžišoskro 25:40 - Le Devleskero Lav Andre Romaňi Čhib Slovensko 2021

⁴⁰ De pozoris pre oda, hoj pes savoro te kerel pal oda planos, so tuke sikaďom pro verchos.“

2. Mojžišoskro 25:40 Referans Kwoze

Židenge 8:5

No on služinen andre ajso Svetostankos, savo hino ča o obrazis the o ciňos ole Svetostankoskro, savo hino andro ňebos. Vašoda, sar kamľa o Mojžiš te kerel o Svetostankos, phenďa leske o Del: „Dikh, hoj te keres savoro pal o vzoros, so tuke sas sikado pro verchos.“

Skutki 7:44

Amare daden sas pre pušťa o Svetostankos. Sas kerdo avke, sar o Del le Mojžišoske phenďa the sar oda dikhľa.

2. Mojžišoskro 26:30

O Svetostankos kereha pal oda planos, so tuke sikaďom pro verchos.“

4. Mojžišoskro 8:4

O svietňikos sas calo somnakuno telunestar dži paš o kvitki. O Mojžiš les diňa te kerel ipen avke, sar leske sikaďa o RAJ.

2. Mojžišoskro 25:9

O Svetostankos the savore veci andre kerena pal oda planos, so tuke sikavava.“

1. Kronicko 28:19

O David phenďa le Šalamunoske: „Kada savoro sas zapisimen le RAJESKRA goďaha a leskro vast sas pre mande, hoj te pripravinav savori buči pro Chramos.

1. Kronicko 28:11

Paľis o David diňa peskre čhaske le Šalamunoske o planos, sar te ačhavel savore thana andro Chramos: e angluňi dvora, o than, kaj sas odthode o veci, o uprune thana, o andrune thana the o than prekal o kritos la archakro.

2. Mojžišoskro 25:39

O svietňikos the savoro, so kampel paš leste, ker tranda the pandž (35) kilendar le žuže somnakastar.

2. Mojžišoskro 27:8

Ker les le deskendar sar phundraďi truhla, avke sar tuke sikaďom pro verchos.“

2. Mojžišoskro 31:11

o olejos pro pomazaňje the o voňavo kaďidlos prekal o Sveto than. Savoro mi keren avke, sar tuke prikazinďom.“

2. Mojžišoskro 36:2

Paľis o Mojžiš vičinďa le Becaleel, Oholiab the kale muršen, saven o RAJ diňa goďi a save kamenas te kerel odi buči.

Jozua 22:28

Bo phenďam peske, te tumare čhave kavke phendehas amenge abo amare čhavenge, odphenaha lenge: ‚Dikhen, amare dada ačhade oltaris ajso sar le RAJESKRO! Nane pro labarde obeti, aňi pro chabeneskre obeti, aňi pro smiromoskre obeti, ale hino sar švedkos maškar amende the tumende.

2. Kronicko 4:7

A kerďa the deš somnakune svietňiki, ajse sar o Šalamun prikazinďa, a thoďa len andro Chramos, pandž pro juhos a pandž pro severos.