2. Mojžišoskro 20:21 - Le Devleskero Lav Andre Romaňi Čhib Slovensko 2021

²¹ Avke o manuša ačhenas dur a ča o Mojžiš džalas paš e kaľi chmara, andre savi sas o Del.

2. Mojžišoskro 20:21 Referans Kwoze

1. Kraľengro 8:12

Akor phenďa o Šalamun: „O RAJ phenďa, hoj bešela andre kaľi chmara.

Žalmi 97:2

O chmari the e bari molha hin pašal leste, o spravodľišagos the o sudos hine o zaklados leskre tronoskro.

1. Timoteoske 6:16

Jekh ov, o Del, šoha na merel a bešel andro švetlos, kaj ňiko našťi džal; ňisavo manuš les šoha na dikhľa a aňi les našťi dikhel. Leske mi džal e pačiv the e večno zor! Amen.

Žalmi 18:9

O thuv leske džalas andral o nakh, andral o muj e jag, so sa zlabarel, o jagale angara labonas lestar.

2. Kronicko 6:1

Akor phenďa o Šalamun: „O RAJ phenďa, hoj bešela andre kaľi chmara.

Žalmi 104:2

Učhares tut le švetloha sar le plašťoha; nacirdes o ňebos sar o stanos.

Žalmi 18:12

Učharďa pes le kaľipnaha a le kale chmarendar peske kerďa stanos.

5. Mojžišoskro 5:22

Kala lava phenďa o RAJ zorale hangoha savoredženenge pro verchos andral e jag, andral e kaľi chmara a ňič paše na dothoďa. Pisinďa len pro duj barune tabli a diňa len mange.

5. Mojžišoskro 5:5

Me akor ačhavas maškar o RAJ the maškar tumende, hoj tumenge te phenav leskro lav, bo tumen daranas la jagatar a na geľan upre pro verchos. O RAJ phenďa:

2. Mojžišoskro 19:3

O Mojžiš geľa upre pro verchos ko Del. A o RAJ ke leste prevakerďa pal oda verchos: „Kada phen Jakoboskre potomkenge, le Izraeloskre manušenge: