2. Mojžišoskro 20:12 - Le Devleskero Lav Andre Romaňi Čhib Slovensko 2021

¹² De pačiv tira da the tire dades, hoj but te džives andre odi phuv, so tuke dela o RAJ, tiro Del!

2. Mojžišoskro 20:12 Referans Kwoze

Kološanenge 3:20

Čhavorale, šunen le dajen the le daden andre savoreste, bo ada hin le Rajeske pre dzeka.

5. Mojžišoskro 5:16

De pačiv tira da the tire dades, hoj but te džives andre odi phuv, so tuke dela o RAJ, tiro Del!

Marek 7:10

Bo o Mojžiš phenďa: ‚De pačiv tira da the tire dades! A oda, ko košel la da the le dades, mušinel te merel!‘

Prislovja 30:17

E jakh, so asal le dadestar a dikhel tele peskra phura da, džubinena avri o havrani andral e dolina a chana les o supi.

3. Mojžišoskro 19:3

Sako mi del pačiv peskra da the dades. Doľikeren mire šabatoskre dživesa. Me som o RAJ, tumaro Del.

Лукастар 18:20

O prikazaňja džanes: ‚Na murdareha! Na kereha lubipen! Na čoreha! Na svedčineha klamišagoha pre avreste! De pačiv tira da the tire dades!‘ “

Matuš 19:19

De pačiv la da the le dades! Kameha avres avke sar tut korkores!“

Prislovja 20:20

Ko prekošel le dades abo la da, oda doperela avke sar e momeľi, so rači murďalol andre.

2. Mojžišoskro 21:17

Dojekh, ko košela peskre dades vaj peskra da, mušinel te merel.

Marek 10:19

Se tu džanes o prikazaňja: ‚Na murdareha! Na kereha lubipen! Na čoreha! Na svedčineha klamišagoha! Na thoveha ňikaha avri! De pačiv tira da the tire dades!‘ “

2. Mojžišoskro 21:15

Dojekh dženo, ko demela peskre dades abo peskra da, mušinel te merel.

5. Mojžišoskro 32:47

Kala lava nane ča ajse chocsave lava – hine tumaro dživipen! Te len šunena, dživena but andre odi phuv, so džan te zalel, sar predžana prekal o paňi Jordan.“

Prislovja 3:16

O goďaveripen ľikerel andre jekh vast o baro dživipen a andre dujto o barvaľipen the e slava;

2. Kraľengro 2:12

O Elizeus oda dikhľa a vičinelas: „Dado miro, dado miro! O graja the o maribnaskre verdana andral o Izrael ile mire rajes!“ Avke imar les buter na dikhľa. Akor iľa peskre gada a prečhinďa len pro duj kotora.

5. Mojžišoskro 4:40

Doľikeren leskre prikazaňja the zakoni, so tumenge adadžives dav, hoj tumenge the tumare potomkenge savoro te avel avri a hoj but te dživen andre phuv, so tumenge del o RAJ, tumaro Del.“

5. Mojžišoskro 25:15

Te važineha a merineha o veci pačivales, o RAJ, tiro Del, tut dela bareder dživipen pre kadi phuv, so tuke del.

Malachijaš 1:6

„O čhavo del pačiv le dades a o sluhas del pačiv peskre rajes. Te som me tumaro dad, soske mange na presikaven e pačiv? Te som me tumaro raj, kaj hin tumari pačiv ke ma?“ phučel o Nekzoraleder RAJ. „Oda hin tumare rašaja, so dikhen tele miro nav a mek phučen: ‚Soha tele dikhas tiro nav?‘

Prislovja 30:11

Varesave manuša košen peskre dades a peskra dake na žehňinen;

Prislovja 28:24

Ko občorel peskre dades abo da a phenel: „Oda nane binos,“ hino sar o živaňis.

Prislovja 15:5

O dilino na prilel le dadeskro sikaviben, ale ko prilel o dovakeriben, kerel mištes.

1. Kraľengro 2:19

Paľis, sar avľa e Batšeba ko Šalamun te privakerel pes vaš o Adonijah, o Šalamun ušťiľa pal o tronos a banďiľa angle late. Avke bešľa pale pro tronos a thoďa the la te bešel pro tronos pal peskri čači sera.

3. Mojžišoskro 19:32

Den pačiv olen, kaske hin buter berša. Ušťen upre anglo manuša, saven hin šiva bala, a daran tumen tumare Devlestar. Me som o RAJ.

Efežanenge 5:21

Podden tumen jekh avreske, hoj oleha te den pačiv le Kristus.

5. Mojžišoskro 4:26

Vičinav adadžives sar švedkos o ňebos the e phuv pre tumende, hoj sig našľona pal e phuv, te man na šunena. Na dživena igen but andre phuv pal o Jordan, savi džan te zalel. Avena calkom zňičimen.

5. Mojžišoskro 5:33

Doľikeren savoro, so tumenge o RAJ, tumaro Del, phenďa, hoj tumenge te avel savoro avri a hoj but berš te dživen andre phuv, savi zalena.“

5. Mojžišoskro 6:2

Te kamen but te dživel andre odi phuv, tumen, tumare čhave the tumare vnuki mušinen calo dživipen te del pačiv le RAJES a te doľikerel leskre prikazaňja the zakoni.

5. Mojžišoskro 11:8

Doľikeren dojekh prikazis, so tumenge adadžives dav, hoj te aven zorale te predžal o Jordan, a te zalen e phuv, andre savi džan,

5. Mojžišoskro 11:9

a hoj te dživen but andre odi phuv, pal savi o RAJ diňa lav, hoj la dela tumare dadenge the lengre potomkenge – odi phuv, kaj čuľal o thud the o medos.

5. Mojžišoskro 21:18

„Te hin varekas zacato čhavo, so pes na poddel a na šunel peskre dades the peskra da, kajte leske dovakeren,

5. Mojžišoskro 27:16

‚Prekošlo hino oda, ko tele dikhel peskre dades the peskra da.‘ A savore manuša mi phenen: ‚Amen!‘

Prislovja 17:6

O phure manuša thoven baripen andre le čhavengre čhave, a o čhave thoven baripen andre peskre dada.

Jeremijaš 35:7

Ma ačhaven tumenge khera, ma sadzinen o semena a ma cinaven o viňici. Bešen andro stani calo tumaro dživipen, a avke tumen dodživena but berša pre kadi phuv, pre savi san ča putňika.‘

Jeremijaš 35:18

Ale le Rechabitenge phenďa o Jeremijaš: „Kada phenel o Nekzoraleder RAJ, o Del le Izraeloskro: ‚Vašoda, hoj šunenas o prikazis tumare dadeskro le Jonadaboskro a kerenas savoro avke, sar tumenge prikazinďa,

Ezechiel 22:7

O manuša andre tu na denas pačiv la da the le dades; le cudze manušeha thovenas avri a le široten the le vdoven trapinenas.

1. Mojžišoskro 48:12

O Jozef iľa peskre čhaven tele pal o pindre le Jakoboskre a banďiľa le mujeha dži pre phuv.

1. Mojžišoskro 50:12

O čhave paľis kerde avke, sar lenge phenďa o dad o Jakob.

E Rut 3:6

Akor geľa pre maľa a kerďa savoro, so lake phenďa e sasuj Noemi.

1. Samueloskro 22:3

Paľis o David odgeľa andre moabiko Micpa a ode pomangľa le moabike kraľis: „Mangav tut, kraľina, domuk mira dake the le dadeske, hoj te ačhen ke tumende, medik man na dodžanava, so o Del kerela prekal ma.“