2. Mojžišoskro 19:21 - Le Devleskero Lav Andre Romaňi Čhib Slovensko 2021

²¹ O RAJ leske phenďa: „Dža tele a phen le manušenge, hoj ňiko te na predžal e hraňica, hoj man te avel te dikhel, bo but džene lendar mušindehas te merel.

2. Mojžišoskro 19:21 Referans Kwoze

1. Samueloskro 6:19

O RAJ murdarďa varesave muršen andral o Bet-Šemeš vaš oda, hoj dikhle andre le RAJESKRI archa. Penda ezera (50 000) manušendar mule eftavardeš (70). O manuša rovenas, hoj len o RAJ avke zorales marďa.

2. Mojžišoskro 3:5

O Del phenďa: „Ma av pašeder! Čhiv tele o sandalki pal o pindre, bo e phuv, pre savi ačhes, hiňi sveto.

Kazaťeľis 5:1

Ma phundrav tiro muj sig a tiro jilo te na siďarel te phenel lav anglo Del, bo o Del hino andro ňebos a tu sal pre phuv, vašoda ma vaker but.

2. Mojžišoskro 33:20

Našťi dikhes miro muj, bo ňiko, ko man dikhela, našťi ačhel te dživel.“

2. Mojžišoskro 3:3

A phenďa peske: „Oda hin vareso čudno! Džav te dikhel pre oda krakos, soske na zlabol.“

4. Mojžišoskro 4:20

hoj aňi pro sikra te na dikhen andro Svetostankos pro sveta veci, hoj te na meren.“

5. Mojžišoskro 5:5

Me akor ačhavas maškar o RAJ the maškar tumende, hoj tumenge te phenav leskro lav, bo tumen daranas la jagatar a na geľan upre pro verchos. O RAJ phenďa:

4. Mojžišoskro 4:15

Sar o Aron the leskre čhave savoro učharena andre a sar kampela o taboris te prethovel avrether, avela le Kohatoskri fajta, hoj oda te ľidžal, ale našťi pes chuden le svete vecendar, hoj te na meren. Kada kerena on paš o Svetostankos, sar pes prethovela o taboris.

4. Mojžišoskro 4:18

„Dodikhen pre oda, hoj maškar o kmeňos Levi o manuša andral o fameliji le Kohatoskre te na meren, ale te dživen. Keren prekal lende kada: Sigeder sar avena paš o sveta veci, avena o Aron the leskre čhave a phenena sakoneske, so te kerel a so te hordinel,