2. Mojžišoskro 13:7 - Le Devleskero Lav Andre Romaňi Čhib Slovensko 2021

⁷ O mare bi o kvasos chana efta džives. A ňič, andre soste hin o kvasos, pes našťi arakhel maškar tumende, aňi andre caľi tumari phuv.

2. Mojžišoskro 13:7 Referans Kwoze

2. Mojžišoskro 12:19

Efta džives tumen našťi avel andre tumaro kher ňisavo kvasos. Sako, ko chala vareso le kvasostar, ela avritradlo le narodostar, či hino Izraelitas abo cudzincos.

Matuš 16:6

O Ježiš lenge phenďa: „Den tumenge pozoris pro kvasos le Farizejengro the le Saducejengro.“

1. Korinťanenge 5:8

Vašoda te na ľikeras o inepos le purane kvasoha, andre savo hin o binos the o nalačhipen. Ale ľikeras o inepos ole mareha, so hino bi o kvasos, andro žužipen the čačipen.

2. Mojžišoskro 12:15

O RAJ phenďa: „Efta dživesa chana o mare bi o kvasos. Pro ešebno džives mušinen andral tumare khera te čhivel het savoro kvasos. A te vareko andre kala efta dživesa chala vareso le kvasoha, akor oda dženo ela tradlo het mire manušendar.

5. Mojžišoskro 16:4

Efta džives te na el ňikas tumendar andre tumari phuv kvasos. Ma muk dži tosara ňič ole masestar, so ela obetimen rači pro ešebno džives.

Jozua 5:11

Pre aver džives pal e Patraďi imar chanas le uľipnastar andral o Kanaan: o mare bi o kvasos the o peko zrnos.