2. Korinťanenge 2:3 - Le Devleskero Lav Andre Romaňi Čhib Slovensko 2021

³ A kada tumenge pisinďom, hoj sar avava, te na avav smutno ole dženendar, kastar majinďomas te radisaľol. Bo pačav, hoj savoren tumen hin jekhetane manca radišagos.

2. Korinťanenge 2:3 Referans Kwoze

Galaťanenge 5:10

Me tumenge pačav andro Raj, hoj na gondoľinena avres. Ale oles, ko tumen diliňarel andre, o Del marela, kajte ko oda ela.

2. Korinťanenge 8:22

A bičhaďam lenca the avre phrales. Les buterval skušinďam avri a dikhľam, hoj hino igen horľivo. Ale akana mek buter kamel te pomožinel, bo hin les andre tumende baro pačaben.

Filemonoske 1:21

Pisinďom oda avke, bo pačav, hoj sal šundo a kereha meksa buter, sar tuke phenďom.

2. Korinťanenge 7:12

A kajte tumenge pisinďom, oda na sas vaš oda manuš, ko kerďa o nalačho; aňi na vaš oda manuš, kaske sas kerdo o nalačhipen; ale vaš oda, hoj pes te sikavel anglo Del, sar amen čačes kamen.

2. Tesaloničanenge 3:4

Pačas tumenge andro Raj, hoj imar keren a the kerena, so tumenge amen prikazinas.

2. Korinťanenge 12:21

Bo sar avava pale ke tumende, na kamav man te ladžal anglo Del a na kamav te rovel upral ola but manuša, save kerde o bini, ale mek pes na visarde le nažuže vecendar, le lubipnastar the ole džungale vecendar, so kerde.

2. Korinťanenge 12:11

Ačhiľom nagoďaver, no tumen man pre oda ispidňan. Se tumen man kamľan te lašarel; no kajte me na som ňič, andre ňisoste na som cikneder ole „bare apoštolendar“.

2. Korinťanenge 7:8

A te le ľileha tumenge kerďom pharipen, imar mange oda nane pharo, kajte sas. Se dikhav, hoj tumenge oda ľil anďa sikra pharipen,

2. Korinťanenge 7:6

Ale o Del, savo del o radišagos olen, ko andro duchos na birinen, diňa o radišagos the amen oleha, hoj avľa o Titus.

2. Korinťanenge 1:15

Andre kada pačaben kamľom te avel sigeder ke tumende, hoj te aven duvar požehňimen.

1. Korinťanenge 4:21

So kamen? Kamen, hoj te avav ke tumende la pacaha, abo le kamibnaha the le jemne duchoha?

2. Korinťanenge 1:23

O Del mange hino švedkos, bo prindžarel miro jilo, hoj vaš oda na avľom andro Korint, bo tumen na kamľom te dukhavel.

2. Korinťanenge 2:9

Bo vašoda kada pisinďom, hoj te dikhav, sar andre odi skuška obačhena a či kerena savoro avke, sar phenďom.

2. Korinťanenge 7:16

Radisaľuvav, hoj tumenge šaj pačas andre savoreste.

2. Korinťanenge 13:10

Kada tumenge pisinav, sar mek na som tumenca, hoj te na mušinav te avel prisno pre tumende, sar avava. Bo o Raj man na diňa autorita pre oda, hoj tumen te burinav, ale hoj tumen te budinav.