1. Samueloskro 3:2 - Le Devleskero Lav Andre Romaňi Čhib Slovensko 2021

² Jekhvar rači pašľolas o Eli, savo imar na dikhelas mištes pro jakha, pre peskro than.

1. Samueloskro 3:2 Referans Kwoze

1. Samueloskro 4:15

Le Eliske sas imar eňavardeš the ochto (98) berš a sas imar koro.

Žalmi 90:10

Amaro dživipen ľikerel eftavardeš berš, ochtovardeš, te hin vareko zoraleder; ale the o nekfeder berša hin ča pherdo dukh the pharipen, bo predžan sig a amen ľecinas het.

1. Mojžišoskro 48:10

O Izrael sas imar phuro a imar na dikhelas igen mištes. Sar len o Jozef anďa ke leste, o Jakob len čumidľa a obchudňa.

1. Mojžišoskro 27:1

Sar o Izak phuriľa a imar na birinelas te dikhel pro jakha, vičinďa ke peste peskre phuredere čhas le Ezav a phenďa: „Čhavo miro!“ „Kade som,“ odphenďa leske.

1. Mojžišoskro 48:19

Ale o dad leske phenďa: „Džanav, čhavo miro, džanav! The lestar ela narodos a the ov rozbarola. Ale leskro terneder phral, o Efrajim, ela bareder sar ov, leskre čhavendar ena but narodi.“

Kazaťeľis 12:3

angloda sar o stražňika le khereskre izdrana a o zorale murša banďona, sar ola, ko erňinen, preačhena te kerel buči, bo ena frima, a sar kaľona andre ola, ko dikhen avri prekal e oblaka;

1. Samueloskro 2:22

O Eli sas imar igen phuro a furt šunelas pal savoro, so kerenas leskre čhave savore Izraelitenge, the pal oda, sar pašľonas le džuvľenca, save služinenas anglo vudar andro Stanos le RAJESKRO.

1. Kraľengro 14:4

Oj kerďa avke, sar lake phenďa, a geľa andro Šilo ko Achijah. Ov imar na dikhelas mištes, bo sas maj koro a igen phuro.