1. Samueloskro 28:15 - Le Devleskero Lav Andre Romaňi Čhib Slovensko 2021

¹⁵ O Samuel phenďa le Sauloske: „Soske man na des smirom a vičines man kade upre?“ „Som andro baro pharipen,“ odphenďa o Saul. „O Filišťinci pre ma aven pro mariben, o Del pes mandar visarďa a na odphenel mange aňi prekal o proroka aňi prekal o sune. Vičinďom tut, hoj mange te phenes, so te kerel.“

1. Samueloskro 28:15 Referans Kwoze

1. Samueloskro 28:6

O Saul phučelas le RAJESTAR, so te kerel, ale ov leske na odphenelas aňi andro sune, aňi prekal o Urim the Tumim, aňi prekal o proroka.

1. Samueloskro 18:12

O Saul chudňa te daral le Davidostar, bo o RAJ sas le Davidoha, ale le Saulostar odgeľa.

Hozeaš 9:12

Kajte bararena avri čhaven, me lendar savoren lava. Vigos lenge, bo me man lendar visarava het!

Prislovja 14:14

O nalačho manuš chala oda nalačho, so kerel, ale oda, ko kerel o lačho, čaľola buter.

Matuš 25:41

Paľis phenela the olenge pal e baľogňi sera: ‚Džan mandar het tumen, so san prekošle, andre večno jag, so hin pripravimen prekal o beng the leskre aňjela.

Žalmi 51:11

Phand o jakha angle mire bini a khos avri savore mire vini!

1. Samueloskro 28:11

E džuvľi lestar phučľa: „Kas tuke te vičinav avri?“ „Vičin mange avri le Samuel,“ ov odphenďa.

1. Samueloskro 28:8

O Saul pes preurďa andre aver gada, hoj les te na prindžarel, a geľa rači duje peskre muršenca ke odi džuvľi. Phenďa lake: „Privičin mange jekhe mules. Privičin mange oles, kas tuke phenava.“

1. Samueloskro 23:2

Avke o David geľa te phučel le RAJESTAR: „RAJEJA, šaj džav pre kala Filišťinci pro mariben?“ „He,“ odphenďa leske o RAJ. „Dža pro Filišťinci a zachraňineha o foros Keila.“

Sudcengro 16:20

Akor zvičinďa: „Samson, o Filišťinci džan pre tu!“ Sar pes prekerďa, phenďa peske: „Avke sar furt, the akana len pal ma razinava tele.“ Ale ov na džanelas, hoj o RAJ lestar odgeľa.

1. Samueloskro 23:4

Avke o David geľa pale te vakerel le RAJEHA a o RAJ leske odphenďa: „Ušťi a dža andre Keila, bo le Filišťincen tuke dava andro vasta.“

1. Samueloskro 28:16

Ale o Samuel leske odphenďa: „Soske phučes mandar, te o RAJ korkoro pes tutar visarďa a ačhiľa tiro ňeprijaťeľis?

1. Samueloskro 30:6

O David pes prekal ada dochudňa andro baro pharipen, bo leskre murša peske vakerenas pal oda, hoj les kamen te murdaren le barenca. Dojekheske lendar sas pharo andro jilo pal peskre čhave. Ale o David arakhľa zor andro RAJ, peskro Del.