1. Samueloskro 25:18 - Le Devleskero Lav Andre Romaňi Čhib Slovensko 2021

¹⁸ Avke e Abigajil iľa sig duj šel (200) mare, duj cipune gone mol, o mas le pandže bakrendar, dešuefta (17) kili peko zrnos, šel (100) burňika šuke hrozni the duj šel bokeľa le figendar a thoďa oda pro somara.

1. Samueloskro 25:18 Referans Kwoze

2. Samueloskro 16:1

Sar džalas o David dureder pal o verchos, avelas anglal leste le Mefibošetoskro sluhas o Ciba duje somarenca. Sas pre lende duj šel (200) mare, šel (100) konarica hrozni, šel kotora švižo ovocje the jekh gono mol.

Matuš 5:25

Gondoľin mištes a dovaker tut sigo oleha, ko džal pre tute, medik sal leha pro drom, hoj tut te na del andre le sudcaske a o sudcas tut diňahas le stražňikoske a paľis tut čhidehas andre bertena.

Prislovja 18:16

Te aneha daros le bare manušeske, otkerela tuke o drom ke leste.

Prislovja 21:14

O daros dino počoral thovel tele e choľi a o prepočiňiben andre žeba la ačhavel.

1. Kronicko 12:40

On ačhile paš o David trin džives, chanas the pijenas, bo o Izraeliti pes pal lende starinenas.

1. Samueloskro 25:34

O RAJ, o Del le Izraeloskro, mange na domukľa, hoj tuke te kerav vareso nalačho. Te na avľalas sigo anglal mande, čačes le Nabaloskre muršendar na ačhilehas ňiko džido dži tosara.“

1. Samueloskro 17:17

Jekhvar o Izaj phenďa peskre čhaske le Davidoske: „Le tuha deš kili peko zrnos the kala deš mare a ľidža oda tire phralenge andro taboris.

1. Samueloskro 25:17

Vašoda tut mištes rozgondoľin, so kereha, bo e pohroma avel pre amaro raj the pre calo leskro kher. Ale le Nabaloha pes na del te vakerel, bo ov hino igen nalačho manuš.“

Prislovja 31:12

Kerel leske o lačhipen, a na o nalačhipen, calo lakro dživipen.