1. Samueloskro 18:9 - Le Devleskero Lav Andre Romaňi Čhib Slovensko 2021

⁹ Ole dživesestar o Saul pro David dikhelas bange jakhenca.

1. Samueloskro 18:9 Referans Kwoze

Efežanenge 4:27

Ma den le benges ňisavo than!

Marek 7:22

te pašľol avre romňenca, te kamel igen o barvaľipen, te kerel varekaske o nalačho, te klaminel, ňisostar pes te na ladžal, te zavidzinel, te vakerel namištes pal aver, te ľidžal pes upre a te kerel o diliňipen.

Matuš 20:15

Abo našťi kerav mireha oda, so me kamav? Dikhes pre mande namištes vaš oda, hoj som lačho?‘

1. Mojžišoskro 31:2

A o Jakob dikhľa, hoj o Laban imar na sas ke leste ajso lačho, sar sas.

Jakob 5:9

Phralale, ma vakeren jekh pre aver, hoj te na aven odsudzimen. Dikh, o sudcas ačhel anglo vudar!

1. Samueloskro 18:8

Kada le Saul igen choľarďa, bo oda giľavipen leske na sas pre dzeka. Phenďa peske: „Pal o David phenen, hoj murdarďa deš ezeren (10 000) a pal ma, hoj ča ezeren (1 000). Imar ča o kraľišagos leske chibaľinel!“

1. Samueloskro 18:10

Pre aver džives avľa pro Saul o nalačho duchos le Devlestar avke, hoj ačhiľa igen choľamen andro kher. O David bašavelas pre citara avke sar furt a o Saul ľikerelas andro vast e kopija.

1. Samueloskro 19:1

O Saul phenďa peskre čhaske le Jonatanoske the savore služobňikenge, hoj kamel te murdarel le David. Ale o Jonatan peske le David igen zakamľa,

Prislovja 27:4

Te choľisaľol hin igen namištes a e choľi hin sar e potopa, ale ko obačhela angle žjarlivosť?

Kazaťeľis 4:4

Dikhľom, hoj savori lačhi buči le manušengri pes kerel ča vašoda, bo zavidzinen peskre susedenge. The kada nane pre ňisoste a hin oda o denašiben pal e balvaj.