1. Samueloskro 16:16 - Le Devleskero Lav Andre Romaňi Čhib Slovensko 2021

¹⁶ No akana phen tire služobňikenge, hoj te arakhen varekas, ko džanel te bašavel pre citara. Sar pre tu avela o nalačho duchos le Devlestar, ov tuke bašavela a ela tuke feder.“

1. Samueloskro 16:16 Referans Kwoze

2. Kraľengro 3:15

Ale akana anen ke ma varekas, ko bašavel pre harfa.“ Medik oda lavutaris bašavelas pre harfa, e zor le RAJESKRI avľa pro Elizeus.

1. Kraľengro 10:8

Bachtale hine tire murša the tire služobňika, save furt pašal tu keren a šunen tiro goďaveripen!

1. Samueloskro 19:9

Sar sas o Saul andre peskro kher a andro vast les sas kopija, avľa pre leste pale o nalačho duchos le RAJESTAR. O David bašavelas pre citara.

1. Samueloskro 18:10

Pre aver džives avľa pro Saul o nalačho duchos le Devlestar avke, hoj ačhiľa igen choľamen andro kher. O David bašavelas pre citara avke sar furt a o Saul ľikerelas andro vast e kopija.

1. Samueloskro 10:5

Paľis aveha pro verchos le Devleskro Gibea, kaj hin o taboris le Filišťincengro. Sar džaha andro foros, arakheha ode but proroken, save avena tele pal o učo than, le bašavibnaha pre harfa, bubna, flauta the pre citara. On prorokinena.

1. Mojžišoskro 41:46

Le Jozefoske sas tranda (30) berš, sar chudňa te kerel prekal o Faraonos, egiptsko kraľis. O Jozef paľis odgeľa le Faraonostar a prephirďa calo Egipt.

1. Samueloskro 16:14

O Duchos le RAJESKRO odgeľa le Saulostar a chudňa les te trapinel o nalačho duchos bičhado le RAJESTAR.

1. Samueloskro 16:15

Akor leske phende o služobňika: „Dičhol, hoj tut trapinel o nalačho duchos bičhado le Devlestar.

1. Samueloskro 16:17

O Saul phenďa le služobňikenge: „Arakhen mange manušes, savo džanel šukares te bašavel, a anen les ke mande.“