1. Mojžišoskro 25:21 - Le Devleskero Lav Andre Romaňi Čhib Slovensko 2021

²¹ O Izak mangelas le RAJES vaš peskri romňi, bo našťi la sas čhave. A o RAJ šunďa avri a leskri romňi e Rebeka ačhiľa khabňi.

1. Mojžišoskro 25:21 Referans Kwoze

Ezdraš 8:23

Avke pes vaš oda poscinahas a mangahas amare Devles a ov amen šunďa avri.

Лукастар 1:13

Ale o aňjelos leske phenďa: „Ma dara tut Zachariaš, bo tiro mangipen hin avrišundo! Tiri romňi e Alžbeta ačhela khabňi, uľola lake muršoro a deha leske o nav Jan.

Izajaš 58:9

Akor vičineha a o RAJ tuke odphenela; mangeha tuke pomoca a ov tuke phenela: ‚Kade som!‘ Paľis sar preačheha te trapinel le manušen, te sikavel pre lende le anguštenca, te vakerel o nalačhe lava,

2. Kronicko 33:13

Sar pes modľinelas ko RAJ, ov šunďa avri leskro mangipen a anďa les pale andro Jeruzalem, andre leskro kraľišagos. Avke o Menaše sprindžarďa, hoj ča o RAJ hino o čačo Del.

1. Kronicko 5:20

On zviťazinde upral lende vašoda, bo vičinenas ko Del andro mariben. Ov len šunďa avri a pomožinďa lenge, bo pačanas andre leste. Vašoda diňa andre lengre vasta le Hagarijčanen the olen, save lenge pomožinenas.

1. Samueloskro 1:27

Vaš kada čhavoro man mangavas a o RAJ man šunďa avri.

Лукастар 1:7

Ale na sas len čhave, bo e Alžbeta našťi ačhiľa khabňi a sodujdženenge sas imar buter berša.

Izajaš 45:11

Kada phenel o RAJ, o Sveto le Izraeloskro a leskro Tvorcas: Soske mandar phučen, so kerava mire čhavenca? Soske mange phenen, so te kerav?

Prislovja 10:24

O čačipnaskre chudena, so peske mangen, no le binošnenge pes ačhela oda, sostar pes nekbuter daran.

Žalmi 91:15

Sar ke ma vičinela, odphenava leske. Avava leha andro pharipen, zachraňinava les a dava les pačiv.

1. Mojžišoskro 11:30

E Saraj sas ňeplodno, na sas la čhave.

Žalmi 145:19

Olen, ko pes lestar daran, del oda, so peske žadinen, šunel, sar ke leste vičinen vaš e pomoca, a zachraňinel len.

Žalmi 127:3

O čhave hine daros le RAJESTAR, o čhavoro la dake andro per hin le RAJESKRI odmena.

Žalmi 65:2

Tuke, Devla, džal e chvala pro Sion a tuke kampel te doľikerel o lava, so tut das.

Izajaš 65:24

Mek aňi na vičinena, imar me odphenava, mek sar vakerena, imar šunava avri.

Žalmi 50:15

Vičin pre ma oda džives, sar tuke ela phares, me tut zachraňinava a tu man lašareha.“

1. Samueloskro 1:11

Diňa kadi vera: „Ó, Nekzoraleder RAJEJA, dikh pre mande, pre tiri služobňička! Dikh pre miro pharipen! Leper tuke pre ma a ma bister pre ma, mangav tut! Te man deha muršores, dava les tuke, RAJEJA, medik ča dživela. Leskre balendar pes e čhuri na chudela.“

1. Samueloskro 1:2

Le Elkanah sas duj romňija. Jekh pes vičinelas Anna a dujto Penina. La Penina sas čhave, ale la Anna na sas.

1. Mojžišoskro 16:2

Avke phenďa e Saraj le Abramoske: „Dikh, o RAJ na domukľa, hoj man te el čhave. Dža, pašľuv mira služkaha. Či man na ela latar čhavoro?“ A o Abram priiľa o lava la Sarajakre.

1. Samueloskro 1:17

O Eli lake odphenďa: „Dža andro smirom. O Del le Izraeloskro mi šunel avri tiro mangipen.“

1. Mojžišoskro 30:22

Akor peske o Del leperďa pre Rachel, šunďa la avri a phundraďa andre late o dživipen.