1. Mojžišoskro 24:35 - Le Devleskero Lav Andre Romaňi Čhib Slovensko 2021

³⁵ O RAJ igen bares požehňinďa mire rajes, vašoda hino barvalo. Diňa les bakre the gurumňa, rup the somnakaj, sluhen the služken, ťaven the somaren.

1. Mojžišoskro 24:35 Referans Kwoze

1. Mojžišoskro 24:1

O Abraham sas imar phuro, sas leske igen but berš a o RAJ les andre savoreste požehňinelas.

1. Mojžišoskro 13:2

O Abram sas igen barvalo, sas les but gurumňa the bakre, rup the somnakaj.

Prislovja 10:22

O požehnaňje le RAJESKRO barvaľarel a na anel ňisavo pharipen.

Žalmi 107:38

Požehňinďa len a sas len but čhave; na domukľa, hoj len te el frimeder dobitkos.

Matuš 6:33

Ale roden ešeb o kraľišagos le Devleskro the leskro spravodľišagos a savore kala veci tumenge ena dine paš oda.

Žalmi 18:35

Sikavel mire vasten te marel pes, del man zor te nacirdel o brondzuno lukos.

1. Mojžišoskro 25:11

Pal o meriben le Abrahamoskro o Del požehňinďa leskre čhas le Izak. O Izak bešelas paš e chaňig Beer-Lachaj-Roi.

1. Mojžišoskro 12:2

Kerava tutar igen baro narodos a požehňinava tut! Kerava tiro nav baro a tu aveha avre manušenge pro požehnaňje.

1. Timoteoske 4:8

Bo te zoraľares tiro ťelos, oda anel ča frima chasna, ale o sveto dživipen anel chasna the andre kada dživipen the andre oda dživipen, so avela.

Žalmi 112:3

Andre leskro kher ela o barvaľipen a savorestar pherdo; leskro spravodľišagos ľikerela furt.

O Job 1:3

a sas les efta ezera (7 000) bakre, trin ezera (3 000) ťavi, ezeros (1 000) voli, pandž šel (500) somara the igen but služobňika. Kada murš sas nekbareder savore manušendar pal o vichodos.

1. Mojžišoskro 49:25

Mi pomožinel tuke o Del tire dadeskro! Mi požehňinel tut o Nekzoraleder Del le brišindeha andral o ňebos the le paňeha andral e phuv – a mi del tut but stadi the čhaven!

1. Mojžišoskro 12:16

O faraonos sas lačho ko Abram vaš e Saraj, a vašoda les diňa bakre, gurumňa, somara, ťavi, sluhi the služki.

Prislovja 22:4

O počiňiben vaš e pokora the vaš e sveto dar anglo RAJ hin o barvaľipen, e slava the o dživipen.

Лукастар 12:45

Ale te peske gondoľinďahas oda sluhas andre peskro jilo: ‚Miro raj mek but na avela!‘ A chudňahas te marel le sluhen the le služken, chaľahas, piľahas the mačiľahas –

1. Mojžišoskro 12:3

Požehňinava olen, ko tuke žehňinen, a prekošava olen, ko tut košen. Prekal tute ena požehňimen savore manuša pre phuv.“

1. Mojžišoskro 25:5

O Abraham diňa savoro peskro barvaľipen le Izakoske.

1. Mojžišoskro 30:43

Avke o Jakob ačhiľa igen barvalo. Sas les but bakre, kozi, služki the sluhi, ťavi the somara.