1. Mojžišoskro 21:33 - Le Devleskero Lav Andre Romaňi Čhib Slovensko 2021

³³ O Abraham sadzinďa andre Beer-Šeba stromos tamariška a lašarelas ode le RAJES, le Večne Devles.

1. Mojžišoskro 21:33 Referans Kwoze

1. Timoteoske 1:17

Le večne Kraľiske, le jekhe Devleske, savo furt dživel a saves našťi te dikhel, mi džal e pačiv the e slava pro furt! Amen.

Izajaš 40:28

Tu na džanes? Tu oda na šunďal? O RAJ hino večno Del, ov stvorinďa o agora la phuvakre; ov našťi ačhel strapimen aňi unavimen a leskri goďi našťi te achaľol.

Žalmi 90:2

Tu salas sigeder, sar sas stvorimen o verchi, sigeder, sar kerďal calo svetos, čirlastar salas a furt aveha Del.

Jeremijaš 10:10

Ale o RAJ hino jekh čačikano Del; ov hino džido Del a večno kraľis. Leskra choľatar izdral e phuv, o narodi na birinena te zľidžal leskri choľi.

Rimanenge 16:26

Ale akana oda avľa avri prekal oda, so pisinenas o proroka; a prikazinďa oda o večno Del, hoj oda te džanen savore narodi, hoj savore te pačan a te šunen les.

1. Mojžišoskro 12:8

Odarik džalas ko verchos pro vichodos le Betelostar a ode peske rozthoďa o stanos. Odarik leske sas o Betel pro zapados a o foros Aj pro vichodos. Ode ačhaďa le RAJESKE oltaris a lašarelas le RAJESKRO nav.

1. Mojžišoskro 4:26

The le Šetoske uľila muršoro a diňa leske nav Enoš. Andre oda časos o manuša chudle te lašarel le RAJES.

5. Mojžišoskro 33:27

O Del, so dživel pro furt, hin tiro than pro garuďipen a ľikerel tut pre peskre večna vasta. Tradela tutar tire ňeprijaťeľen a phenela tuke, hoj len te zňičines.

Rimanenge 1:20

Le Devleskri zor the leskro devľipen našťi te dikhel, ale kanastar o Del kerďa o svetos, šaj oda dikhen andre ola veci, so kerďa, a vašoda pes o manuša našťi ospravedlňinena.

Amos 8:14

Ola, ko len vera pro modli andre Samarija – ola, ko phenen: ‚Avke sar dživel o del le Danoskro,‘ abo ‚avke sar dživel o del la Beer-Šebakro!‘ – perena tele a imar na ušťena upre.“

Izajaš 57:15

Bo kada phenel o Del, savo hino baro a barardo, savo dživel furt a saveskro nav hin sveto: „Me bešav pro učo the sveto than, ale som the oleha, ko kerel pokaňje andral o jilo a hino pokorno andro duchos, hoj te obdžiďarav olen, ko hine pokorna andro duchos, the olen, ko keren pokaňje andral o jile.

Sudcengro 3:7

O Izraeliti kerenas bini anglo RAJ, bo bisterde pro RAJ, pre peskro Del, a služinenas le Baalenge the le Ašerenge.

5. Mojžišoskro 16:21

„Sar ačhavena oltaris le RAJESKE, tumare Devleske, našťi paše thoven o kaštuno slupos la Ašerakro.

1. Mojžišoskro 26:33

O Izak diňa ole paňeske nav Šibea. Vašoda pes dži akana vičinel oda foros Beer-Šeba.

1. Mojžišoskro 26:25

O Izak ode ačhaďa oltaris a lašarelas le RAJES. Paľis peske rozthoďa o stanos a leskre sluhi ode kopaľinde avri aver chaňig.

1. Mojžišoskro 26:23

A odarik o Izak geľa te bešel andre Beer-Šeba.

Židenge 13:8

O Ježiš Kristus hino oda jekh idž, adadžives the na veki.

1. Mojžišoskro 21:32

Paľis, sar peha phandle e zmluva andre Beer-Šeba, o Abimelech the leskro veľiťeľis o Pichol gele pale andre filišťiňiko phuv.

2. Mojžišoskro 15:18

O RAJ kraľinel večňe a pro furt.“

5. Mojžišoskro 32:40

Avke sar me som o džido Del, hazdav ko ňebos miro vast a lav vera:

Žalmi 93:2

Tiro tronos hino zathodo imar čirlastar, tu salas furt.

Habakuk 1:12

Či tu na sal večno, RAJEJA, miro Sveto Devla? Amen na meraha! RAJEJA, tu tuke kidňal avri le Babilončanen, hoj te anen tiro sudos; Skalo miri, tu len ačhaďal, hoj amen te maren.