1. Mojžišoskro 1:9 - Le Devleskero Lav Andre Romaňi Čhib Slovensko 2021

⁹ O Del phenďa: „Mi skiden pes upre o paňa, so hine tel o ňebos, pre jekh than a mi sikavel pes e šuki phuv.“ A sas avke.

1. Mojžišoskro 1:9 Referans Kwoze

2. Peter 3:5

Bo on narokom na kamen te dikhel, hoj o ňebos the e phuv sas imar čirlastar kerde prekal le Devleskro lav a hoj e phuv ačhiľa le paňestar a prekal o paňi.

Jonaš 1:9

O Jonaš lenge phenďa: „Me som Hebrejis a lašarav le RAJES, le ňeboskre Devles, savo stvorinďa o moros the e phuv.“

Jeremijaš 5:22

Na daran mandar?“ phenel o RAJ. „Na izdran mandar? Me kerďom e poši paš o moros sar hraňica, šoha la našťi predžal. O vlni andre šaj demen, ale ňič na kerena, šaj hučinen, ale na predžana prekal.

Žalmi 95:5

Leskro hin o moros, ov les kerďa a peskre vastenca forminďa e šuki phuv.

Kazaťeľis 1:7

Savore paňa džan andro moros, ale o moros šoha ňikda nane pherdo. O paňa furt peren pale pre oda than, khatar avle, hoj te džan pale.

Žalmi 33:7

O paňa le moroskre skidňa pre jekh than, o bare oceani thoďa andro nadrži.

O Job 26:10

Odďelinďa o švetlos le kaľipnastar avke, hoj merinďa avri e hraňica maškar o moros the ňebos.

Zjaveňje 10:6

a iľa vera andro nav le Devleskro, savo hino džido pro furt a stvorinďa o ňebos the oda, so andre hin, e phuv the oda, so upre hin, o moros the oda, so andre hin. A phenďa: „Imar na ela časos!

Žalmi 104:3

O khera tuke ačhaves pro paňa upral, o verdan tuke keres le chmarendar a džas pro kridli la balvajakre.

O Job 26:7

Ov nacirdel o severno ňebos ode, kaj nane ňič, e phuv figinďa upral ňisoste.

1. Mojžišoskro 1:8

Ola klenbake diňa o Del nav „ňebos“. Sas rat a sas tosara, dujto džives.

Nehemiaš 9:6

Paľis pes o Izraeliti chudle kavke te modľinel: „Ó RAJEJA, ča tu korkoro sal RAJ, tu stvorinďal o ňebos, o nekučeder ňebos the savore čercheňa, e phuv the savoro, so upre hin, o moros the savoro, so andre hin. Tu des o dživipen savoreske a savore pro ňebos angle tu banďon a lašaren tut.