1. Mojžišoskro 1:31 - Le Devleskero Lav Andre Romaňi Čhib Slovensko 2021

³¹ O Del dikhľa savoro, so kerďa, a sas oda igen mištes. Sas rat a sas tosara, šovto džives.

1. Mojžišoskro 1:31 Referans Kwoze

1. Timoteoske 4:4

Ale savoro, so o Del kerďa, hin lačho a ňič na kampel te odčhivel het, te pes prilel paľikeribnaha.

Žalmi 104:24

Keci but veci kerďal, RAJEJA! Savoro stvorinďal la goďaha! Pal caľi phuv hin pherdo džide veci, so stvorinďal.

2. Mojžišoskro 20:11

Se o RAJ kerďa tel o šov džives o ňebos the e phuv, o moros a savoro, so hin andre, a pro eftato džives peske odpočovinďa. Vašoda o RAJ požehňinďa o šabat a pošvecinďa les.

Žalmi 104:31

E slava le RAJESKRI mi ľikerel pro furt! Mi radisaľol o RAJ olestar, so kerďa!

Roviben le Jeremijašiskro 3:38

Či na avel avri andral o muj le Nekbareder Devleskro o lačho the o nalačho?

O Job 38:7

sar o tosarutne čercheňa jekhetane giľavenas a savore aňjela radišagostar viskinenas?

1. Mojžišoskro 2:2

Pro eftato džives dokerďa o Del peskri buči, so kerelas, a pro eftato džives peske odpočovinďa savore peskre bučendar.

1. Mojžišoskro 1:23

Sas rat a sas tosara, pandžto džives.

1. Mojžišoskro 1:8

Ola klenbake diňa o Del nav „ňebos“. Sas rat a sas tosara, dujto džives.

1. Mojžišoskro 1:5

O Del diňa le švetloske nav „džives“ a le kaľipnaske diňa nav „rat“. Sas rat a sas tosara, ešebno džives.

1. Mojžišoskro 1:19

Sas rat a sas tosara, štarto džives.

1. Mojžišoskro 1:13

Sas rat a sas tosara, trito džives.

1. Timoteoske 4:5

Bo o chaben pes pošvecinel le Devleskre laveha the la modľitbaha.

2. Mojžišoskro 31:17

Kada ela pro znameňje maškar mande the mire manuša pro furt, bo o RAJ tel o šov dživesa kerďa o ňebos the e phuv, ale eftato džives preačhiľa te kerel a odpočovinelas.“

Žalmi 104:28

Sar len des te chal, kiden oda upre; sar phundraves o vast, čaľon le lačhe chabenestar.

Žalmi 119:68

Tu sal lačho a keres o lačhipen, sikav man tire prikazi.

Prislovja 16:4

Le RAJES hin planos savoreha, so kerel, a kerďa the le bijedevleskres pre oda džives, sar ela potrestimen.

Kazaťeľis 3:11

O Del kerďa savoro igen šukares andre peskro časos. Ov thoďa the e večnosť le manušenge andro jile, ale o manuš našťi calkom achaľol, so o Del kerel anglunestar dži o koňec.

1. Mojžišoskro 2:3

O Del požehňinďa o eftato džives a kerďa lestar sveto, bo andre oda džives peske odpočovinďa savore bučendar, so kerďa.

5. Mojžišoskro 32:4

Ov hino e Skala, leskri buči hiňi dokonalo. Savore leskre droma hine čače. O Del hino pačivalo, na kerel ňič namištes, hino čačipnaskro the lačho.