1. Kraľengro 3:12 - Le Devleskero Lav Andre Romaňi Čhib Slovensko 2021

¹² Vašoda kerava avke, sar mandar mangľal. Dava tut baro goďaveripen, hoj savoro te rozprindžares; ajso goďaveripen, savo mek šoha ňikas anglal tu na sas aňi na ela.

1. Kraľengro 3:12 Referans Kwoze

Kazaťeľis 1:16

Phenďom mange andro jilo: „Dochudňom bareder goďi, buter sar savore, save angle mande kraľinenas andro Jeruzalem, a miro jilo sikľiľa but goďaveripen the prindžaripen.“

Matuš 12:42

E kraľovna pal o juhos ušťela upre pro sudos tumenca a odsudzinela tumen, bo avľa dži pal o aver agor la phuvakro te šunel o goďaveripen le Šalamunoskro – ale kade hin vareko bareder sar o Šalamun.“

1. Kraľengro 5:12

Sthoďa 3 000 prislovja the 1 005 giľa.

1. Kraľengro 3:28

Sar pes calo Izrael dodžanľa pal oda, so kerďa o Šalamun, denas les bari pačiv, bo dikhle, hoj hin andre leste le Devleskro goďaveripen te rozsudzinel spravodľivones.

Лукастар 21:15

bo me tumen dava ajse lava the goďi, anglal save našťi obačhena ňisave tumare ňeprijaťeľa a pre save aňi našťi odphenena.

Izajaš 65:24

Mek aňi na vičinena, imar me odphenava, mek sar vakerena, imar šunava avri.

2. Kronicko 2:12

Bičhavav ke tu le Churam-Abi, savo hino goďaver majstros a achaľol la bučake.

Kološanenge 2:3

Bo andre leste hin garudo savoro goďaveripen the o prindžaripen, so hin baro barvaľipen.

1. Kraľengro 2:9

Ale akana ma muk les bijal o trestos. Tu sal goďaver murš a džanes, so leha te kerel. Ma muk les, hoj te sphurol a andro smirom te merel.“

Kazaťeľis 1:13

Iľom mange andro jilo, hoj goďaha rodava avri sa a dodžanava man savoro, so pes kerel tel o ňebos. Savo baro pharipen thoďa o Del pro manuša!

Žalmi 10:17

RAJEJA, tu šunes avri oda, so kamen o pokorna, zoraľares lengro jilo a visares tiro kan ke lende.

1. Kraľengro 2:6

Se tu džanes, so te kerel! Ma muk les, hoj te sphurol a andro smirom te merel.

Prislovja 2:6

Bo o RAJ del e goďi a andral leskro muj avel o goďaveripen the o prindžaripen.

Daniel 1:17

O Del diňa kale štare terne muršen goďi, hoj te prindžaren a te achaľon dojekh pisišagos the goďaveripen. A le Danieloske mek ke oda diňa, hoj te džanel te achaľol savore viďeňja the sune.

5. Mojžišoskro 34:9

O Jozua, o čhavo le Nunoskro, sas igen goďaver, bo o Mojžiš pre leste thoďa o vasta. O Izraeliti les šunenas a kerenas avke, sar o RAJ prikazinďa le Mojžišoske.

1. Kraľengro 5:9

O Del diňa le Šalamun o goďaveripen, o prindžaripen the ajso achaľuvipen, hoj pes oda aňi na delas te zrachinel avke sar e poši paš o moros.

1. Kronicko 29:25

O RAJ igen hazdňa upre le Šalamun angle savore Izraeliti avke, hoj les diňa ajsi slava, so na sas savore aver kraľen andro Izrael.

Nehemiaš 13:26

Či na kerďa aleha binos the o izraeliko kraľis o Šalamun? Maškar o but narodi na sas ajso kraľis sar ov. Sas pre dzeka peskre Devleske a ov les ačhaďa kraľiske upral calo Izrael, ale the avke o džuvľa andral aver narodi les cirdle andro binos.